مابطول عليكم فالموضوع
زوجي ريال يخاف ربه وماينسى فروضه و باره لوالديه ..
مايحب سوالف البنات الي بتكلمون ويا الشباب ونضرته فيهم انه مافي بنت شريفه تكلم غريب ،
انا عندي بنت كانت سنه و كنت حامل فالثاني وشهر ال8 المهم صارت مشكله فالبيت قبل الرمضان بيني وبين عمتي بسبب تافه بس عمتي كبرت السالفه (بالصياح ) و ريلي اكيد ما بيوقف وياي وقف ويا امه وانا طبيعي ادافع عن نفسي ريلب ماعجبه دفاعي وتم يهددني انه بيفرني فالشارع / مش اول مره يقول هالكلام وانا طبعا ماسكت قلت له فرني تراني بنت ناس مابتم فالشارع عندي اهل المهم مد ايده وززني برع ملحقي جدام امه و الخدامات ومرت اخوه وخواته يعني اهاني وانا طلعت الممممهم اسبوع وتفاهمنا ورجعني البيت وكان رمضان اهملني يعني حسيته تغير عليه ما يلس وياي وكله برع ويفطر يطلع وقا السحور يتمشى فالحوي وكنت اضايق لاني كنت احس بآلم الطلق ومحد عندي المهم ربيت وقبله تميت 3 فالمستشفى ماكان يزوني لين ربيت وعقب الولاده 40 يوم مثل السم مول ماكان عندي كنت اقول لو سايره بيت اهلي😩المهم يلست وياه وخبرته ( احس انك معاي بس بعيد عني انت زعلان او شيي ) قالي لا رمضان الوقت يمر وانتي ف نفاس بس من تخلصين يرجع كل شي المهم خلصت ولا تغير شي ف بديت الاحظ عليه ع اشياء تافها يروح الدكان و ساعات اطلع فالحوي اشوفه يحوط بسيارته عند الباب و نفس الحكايه ف رمضان كان وقت السحور يتكلم فالفون المهم مره رد من الدكان وسار يرقد فتحت فونه جفت رقم مسجل عليه اسم غريب ودخلت فالمفضله اكثر رقم يتكلم ويا قلت ربيعه يمكن سويت طاف نفس اليوم الفليل ساعه 9 يت بيلس وياه سار طاح ع الفراش اونه بيرقد قال تعبان خلينه ورقدت ساعه 11 قمت ساعه 3 اجوفه زاخ الفون بيبي ويبتسم جافني صكره وسوا عمره راقد احترقت سويت عمري راقده رد قعد ع الفون قمت رقد جان اقوم واكلمه شو عندك عصب اونه اجوف ساعه حق الصلاه قلت 3 مرات ورا بعض جان يفر الفون بالقو يعني ردت فعله كانت اوفر اتأسفت ورقدت يوم الثاني نفس الشي طلع ويحوط ف سيارته ويوم رد حط الفون فالصاله وسار يرقد فتحت وحصلت نفس الرقم دقيت عليه 😩 وانا اقول ف خاطري ي رب اكون غلطانه ردت علي وحده صكرت ف ويها ورديت دقيت قالت شو فيك ما تتكلم😭والله اني ابغي اصيح قمت وسرت الغرفه وفريت الفون فوق جان يقول شو فيج جان اقول اسألها. وصكرت ف ويها الباب : وعقب فتره كلمت البنت من فوني قالت انها ماكانت تعرف انه معرس واني كاسره خاطرها ومادري شو و حلفت لي اذا دق لها بتخبرني وانا كلمتها بحترام ع اساس ريلي قاص عليها :::://
الغصه انا كنت مسيفه رقمها تخيلو فالوتساب كان حاطه صورت بوكس. فيه ككاو (ترافلز ) والله اول ماشفته قلبييييي تقطع تخيلو اكتشفت يوم كانت تكلمه يابت له نفس الككاو هذا ( وهو كان مواعدنها ويوم رد عطاني انا الككاو 😩وانا كلته كله ) نذااااله
المهم سألتها من وين ماخذه هالككاو تمت تتحجج وانا فهمت وعقبها تخيلو ردت كلمته بحجت اني اكلمها وردت وياه ع سوالف الحب 😩
وانا اكتشفت الشي يوم دخلت الانستقرام حصلتها ف استقرامه 😩وقحه ونذله هالبنات مايتأمن لهم والله اول مره احترمتها ع اساس ماكانت تعرف انه معرس وحرمته توها مربيه 😤ع اساس اني كاسره خاطرها المهم مب موضوعي ها من القهر كتبت كل ها
الموضوع انه 5 مرات جكيته وستويت شكاكه حتى لو بغا يفاجئني اخرب المفاجئه بسبت الشك يقول انا ابي اغير حياتنا وانتي توقفين ف ويهي المشكله انا كنت مستعده وكنت يالسه احاول وفالهالمحاولات ال5 اكتشفت خيانته يعني انا اتغير واغير واكتشف يخون اسامح وارد لين ما انكسرت 5 مرات والحين تعبانه ما اقدر اثق فيه وهو يلومني ع الشك ولا كنه هو السبب 😩 يقولي خلاص استوى الشي وراح اوكي راح لك انت اما انا انغوس ف قلبي و مب بس موقف الككاو شي موقف غيره بعد اتوى وياي ونفس الشي وقاحه عطاني شي من الي عطاته كان بيعطيني بس انا مارتحت له ولا خذته
تمت الموافقة
الكلمة الطيبــة صـــدقة
كسرتي خاطري 
والله الرياييل مافيهم احساس وحسبي الله على بنات ابليس ..
ماشاءالله عليج من تصرفاتج حسيت انج حرمة مسالمة .. برايي اعطيه فرصة لكن خذي بريك منه عيشي حياتج لا تخلينه محور حياتج تغيري عليه لكن لا تحسسينه انج شاكه فيه .. شي صعب اعرف لكن حاولي لا تخسرين ريلج وبيتج .. ادعي رب العالمين انه يسخره لج وربي يهديه
عشان تعيشين صح
لا تزرعين او تعتمدين عسعادتج عاي شخص بالدنيا
انتي سويلج جو
من ناحيه طلباتج ما تقصرين معاه ايبلج و للبيبي
و ممكن تشتغلين تسويلج علاقات و تغير جو و مدخول مالي زياده
ليش تعطين لنفسج مجال للشك والتعب والمرض واخر شي محد بيخسر صحته غيرج حبيبتي
البسي اضحكي العبي استانسي اقضي وقتج مع عيالج وريلج ولاتضيعين ولا دقيقة
ليش تسمحين لبنات الشوارع ياخذون ريلج بالسهولة هذي انتي لاتعطينها مجال
وتعرفين ليش ردت حق ريلج مره ثانية لانج كلمتيها وانتي مكسورة لو راويتيها العين الحمرا ما بتتجرا تتصل ولا حتى تعيش قصة الحب
ليش ما ادبتيها بالبداية حتى رقمها سيفيه عندج ولو بتغيره حاولي تعرفينه لين تطفر وتكره عمرها هدديها باشلرطة او باي شي
المهم كوني قوية حتى بردة فعلج مع هالاشكال
وبالنسبة لام زوجج اللي هي عمتج المفروض ما تضاربين قدام ريلج وترفعين صوتج الرياييل اهم ما يحكمون عالحرمة
من الظاهر بس ما يفتشون عالداخل ويضيعون وقت
لو تييلهم وحده من الشاعر وتستغفر قدامهم قالو عنها شريفة مكة
الزمي الاستغفار واهتمي ببيتج وريلج وحاولي قدر الإمكان تقويين علاقتج بامه
وايد طيبة وياهم
البنت خوفيها قولي لها عطيتج فرصة و بخلي الإصلاح الأسري يوصلون لأهلج وينبهونهم اذا ما وقفتي عند حدج وانج كلمتي الإصلاح عن موضوع ريلج وقالوا بيحلون لج موضوعها وهذا آخر إنذار بج و و و
وخلج جادة يوم تكلمينها
مستانسة يوم انج تكسرين الخاطر؟
وريلج اذا اعتبر الموضوع عادي طرشي له فتاوي عن حكم هالشي واذا عايرج بقصور ولا شي قولي له الحمدلله أهم شيء ما اخون وآخاف ربي خلج قوية والكل يحسب لج الف حساب مب يالسة في النص تكسرين بخاطرهم!!!
هي تقص عليج وتستغفلج يوم انها تقولج كسرتي خاطرها .
.بشو ان شاءالله كسرتي خاطرها ..
قوليلها كسرت خاطرج واتيين وتهدمين بيتي؟؟!
انتي كنتي باردة عليها يوم كلمتيها الله هديج ..لا وتعطين وياها وتاخذين وتسأليها عن الككاو .من وين
الغالية هالاشكال يبالها تكونين شديدة وياها وانج جادة وههدديها انج راح تكشفين وتطلعين اسم اهلها وتوصلينهم وتخبرينهم او تبلغين عليها هي بها الشكل رااح تخاف ..خلج قوية
لاتخلين وحدة مثل هاي تلعب عليج وتقص عليج وتحل مكانج