اجنحة الدجاج

امس ده كان افطارنا

والحمد لله رب العالميين

اللهم دمها علينا نعمه واحفظها من الزوال وبارك اللهم لنا فيها

نبدء على بركه الله

مقادير الدجاج والبطاطس حسب عدد الاشخاص اللى سيتناولون الوجبه

انا استعملت دجاجتين الا ربع

الطريقه

احضرى الدجاج واشطفيه جيدا وقطعيه انا قطعت الصدر الى 3 قطع وايضا الرجول حتى تكون سريعه فى التسويه

بعد ماتخلصى تقطيع الفراخ

ابشرى بصلتين كبار بشر ناعم

واعصريهم وضعى الملح والفلفل الاسمر ومعلقه من الكاتشب مع عصير نصف ليمونه وتبلى بيهم الفراخ واتركيهم اما بالثلاجه لثانى يوم او بتتركيهم مده لاتقل عن ساعتين

واحتفظى بالبصل فى كيس ثلاجه فى الفريزر للاحتياج لاى اكله ممكن تحتاجى فيها البصل

خلاص اتبلوا

بتحضرى حله بها زيت غزير وتخليه يقدح على النار

وتخفقى بيضتان مع قليل من الملح والفلفل وتزوديهم بنصف كوب من الماء من الصنبور

وتحضرى الدقيق وقليل من البقسماط الناعم

وتضعى قطعه الدجاج فى البيض وتضعيها فى الدقيق المخلوط بالقسماط الناعم

وضعيهم فى الزيت على نار مرتفعه وتغطى الحله لمده ربع ساعه للين ماتستوى وتحمر وتنشليها وتضعيها فى طبق التقديم

وفى اثناء مابتسوين الدجاج

بتحمرى البطاطس

مقادير الدريسنج

2 معلقه اكل كبيره عسل نحل

+ 2 معلقه كبيره مسترده

وتخلطيهم مع بعض جيدا قبل وضع المايونييز

+ 4 معالق كبيره مايونييز

وتخلطيهم جيدا

وعلى فكره

هذا الدريسنج بيتوضع مع سلطه الكلوسلو اللى بتجديها فى الاوبن بوفيه فى محلات البيتزا

وبتكون عباره عن كرنب سلطه مقطع الى شرائح رفيعه جدا ومعاه مبشور الجزر وبتتحط عليه الدريسنج

وده ممكن كمان تقدميه مع المشويات

وبتقدمى دجاج الكنتاكى والبطاطس المحمره والدريسنج مع خبز ابيض

وده كان افطارنا

وبالهنا والشفا