اتحديت الخنازير وسافرت سنغافورة وتايلند

مرحبا بنات اشحالكم ؟؟
البارحة الساعة 7 المسا الحمدلله رجعت من السفر واستانست وايد مع انها سفرة قصيرة اسبوع .. بس استانست من الخاطر ..
رحت فيها سنغافورة وتايلند.. وطنشت سالفت الخنازير وتوكلت على الله وسافرت انا وعبدالله وبو عبدالله والصراحة كنا خايفيين في البداية بس الحمدلله كل شي عدا على خير ..
سنغافورة 3 ايام وكانت من احلى السفرات بلادهم نظيفه .. سكنت في اورتشاد براد هوتيل الفندق حلو ومكانه روعه اللي يسكن في هالشارع ما يمل كل شي فيه كل المولات والمطاعم والتمشي فيه رووعه.. رحت السفاري نايت كلمة روووعه شويه عليه من اروع حائق الحيوانات اللي زرتها عروض للحيوانات كششخه..
ثاني يوم رحنا سنتوزا بالتلفريك والجزيرة فيها عدة اشياء المتحف المميز وعروض على البحر وايد حلوة لدرجة انا ما حصلنا مكان نقعد فيه من الزخمة مع انه ما كانت اجازة الويكند بس السياح وايديين بصورة ما تتخيلونها وفيها بعد الاكواريوم والمطاعم استانسنا هناك قضينا اليوم كله هناك طبعا انصحكم تحجزون عن طريق الفندق للرحلة هذي احسن تضمنون المواصلات وهم يرتبون لكم العروض لانكم لو رحتوا بروحكم ما بتعرفون الساعة كم تبدا العروض ووين مكانها لان المكان كبير..
اخر يوم رحنا في رحلة بحرية وركبنا المركب الكبير (( كروز )) ونزلنا في جزيرة هاديه وحلوة .. ورجعنا وتعشينا في مطعم عربي في شارع العرب وهو عكس اللي في بانكوك هادي جدا وكان المطعم اكله حلو لان اللي فيه هنوود..
اليوم الرابع وصلنا تايلند وهي عكس سنغافورة وصاخة بطريقة فظيعة وسكنت في لاند مارك وهو قريب من شارع العرب بس مب في وسط الوصاخة المهم اني تظايقت وايد من اللي شفته هناك الوصاخه في كل مكان وريحت الاكل تلوع الجبد والصراحة شارع العرب هذا ما طبيته موليه اللي يوم نكون في التكاسي وتمر من هالشارع نشوف البلاوي والله يهديهم بناتنا تظايقت وايد من لبسهم ما ادري شو بيستفيدون يوم يلبسون هالمرصص والشباب ما في داعي اتكلم …
المهم اول يوم رحنا فيه المستشفى الملكي وقررنا انا وبو عبدالله انا نفحص على عمارنا دامنا موجودين هناك والصراحة المستشفى ما عليه كلام خدماتهم اكثر عن ممتازة ومن كلام بو عبدالله انه احسن عن الامريكي لانه مجرب الامريكي من قبل والحمدلله النتايج كانت ممتازة.. وتغدينا في المستشفى في مطعم الريان وهو عربي واكله حلو .. وطلعنا بعدها على روبينسون والصراحة المركز عيبني في شي واحد وهو لبس اليهال عندهم اشياء وايد حلوة لليهال وما خليت شي… واتفاجأت ان بو عبدالله اشترى ملابس الرياضه ماركة اديداس كلها اللي عندهم من كثر ما هي حلوة واسعارها حلوة..
ثاني يوم رحنا MBK والمركز وايد عود بس فيه اشياء وايد حلوة المشكلة اللي صادفتني ولدي عبادي كل شويه يصيح يبغي ينزل من العربانه عشان يمشي والا يبغيني اسويله حليب يعني سالفة ويوم رجعننا الفندق المغرب ما قدرت ارقد من كثر ما عورتني ريولي من المشي..
ثالث يوم رحنا من الصبح الصيني وايد اشياء عيبتني بس المشكله كلها بالجملة وخذت لي اغراض للمدرسه وهدايا حلوة للاهل بس المكان وصخ وضيق وما ينفع للي عندهم يهال وريحت الاكل تولع الجبد.. طلعنا منه ورحنا الــــ Big C مركز صغيير بس فيه اشياء حلوة وملابس لليهال حلوة ورخيصة
وجذي نكون خلصنا رحلتنا ورجعنا البلاد وتحدينا الخنازير اللي كانت مخلتني مترددة اني اسافر ..
ادري بتقولون لي ليش ما حطيتي لنا الصور الصراحة انا صورت بس ما حبيت احطها لان كل الاماكن اللي صورتها الخوات في المنتدى ما قصروا حاطينها فما حبيت اكرر
والسموحة ..

[QUOTE=الغر الحشيم;14791630]

[/QU
تسلمين الغالية والصور بتشوفينها اول ما توصلين ان شاء الله

الحمدالله ع السلامه اختي …

اهم شي انكم بخير والله يسعدكم ياارب

الله يسعدكم دنيا و آخره

الحمد لله على سلامتكم

الف الحمدلله ع السلامة الغلا