ابي اسأل عن الأثاث

في هالفترة ان شاء الله ابي اغير غرفتي

انا من دبي وغرفتي مشتركة بيني وبين اختي تقريبا حجمها متوسط

في مشكلة صغنونة اني احب اللون الازرق بس اللون الازرق

ما يناسب البنات واختي تبا تدخل اللون الاخضر بأي طريقة وانا

اقول لها اللون الوردي احلى << اخوات لازم نختلف

فبغيت اللي يعرفون اماكن زينة لبيع الاثاث في دبي والا

الشارجة … واللي عندها مقترحات تكتبه هني ويزاااااااااااها الله

الف خير وان شاء الله يكون مرجع حق الكل

بقوولكم بالضبط شو ابي اشتري واللي تحب تزيد عشان الكل

يستفيد يزاها الله كل خير

1. ورق جدران << وين احسن مكان اروم اشتري او احصل

ورق جدران يكون حلو وبسعر معقول .؟ و بشو تنصحوني

اصبغ الغرفة والا احط ورق جدران .؟

2. الستاير << انا رحت سوق التنين حصلت ستاير عندهم

بس ما كانت هاك الزود ما عيبوني وااايد

3. زولية << اقصد افرش الغرفة كاملة مب الزوالي او السجاد
الصغيرة

4. اثاث لغرفة النوم << بشو تنصحوني اشتري اثاث جاهز والا
ايب نجار يسوي اثاث ..؟؟ واذا بشتري وين احسن مكان تنصحوني فيه .؟

5. اي شي تحبين تزيدين عشان الكل يستفيد

الله يخليكم بناتات وحريمات اتمنى تردون علية بأسرع وقت ^^

يزاكم الله خير