ابى حل ضروري الكل يدخل

في البداية احب ان اشكر هذا المنتدى الرائع الذي يهتم بشؤؤن المراة واسرتها عسى الله يوفجكم انا سيدة متزوجة وحامل في الشهر السابع موظفة دوامي 9 ساعات من الساعة 8 الى 5 وحتى عطلة ماعندي بس يوم الجمعة صارلي متوظفة 2 شهر مشكلتي ماقدر اوفق بين شغلي وبيتي وبين نفسي يعني انا نفسي هاملتها مافي وقت اعتني فيها بسبب طول فترة الدوام من جهة وعندي مشاكل مع الريال من جهة ثانية وايضا انا اعيل والدتي وابني من جهة لان عندي ولد من ريلي السابق والله الراتب مايكفي يادوب ادفع اجار الشقة الي ساكنه فيها امي وابني والكهرباء وبعض اجور دراسة ولدي وادوية خاصة بوالدتي وانا ماخفي عليكم شوي وضعي الصحي مب جيد بس وش اسوي انا مضطرة للعمل لاعالة عائلتي وحتى بيتي ماقدر انظفة ولااهتم فيه بسبب انشغالي خارج المنزل وش تنصحوني وش اساوي انا حاسة بنفسي ضايعة انا مكرسة نفسي اخدم الجميع بس شنو الفايدة انا خسرانة نفسي وحاسة انه مابقاوم اكثر لان يابنات انا حامل وصحتي مب زينة وعندي مشاكل مع الريال وبنفس الوقت هلي يحتاجون اصرف عليهم كيف اتصرف بديت احس باكتئاب قاتل يعني وش راح اسوي عكب الولادة من ايب الياهل راح يزيد الثقل علي بعدين لاسامح الله لو وضعي الصحي تردى بضطر اترك الشغل ومنو يعيل هلي وبعدين الراتب الي احصلة كله بكطة على الايجار والكهرباء وغيرها يعني ماباجي شي حق نفسي مع ملاحظة انا والريال لنا شقتنا وربي شاهد هو يصرف عليها وامي وولدي في شقة ثانية وانا اللي بصرف وراتبي 5000 درهم بس فديتكم ساعدوني بحلول

اللــــــــــــــــــــه ايسر لج امورج حبيبتي

اول شي .. الله يعطيج الصحه والعافيه ..

بالتوفيق ..

والله دورت باكثر من مكان ماخليت مكان يعتب علي كل شي يباله واسطة وانا مب مواطنة وصحيح انا شغالة في شركة خاصة هاي اللي حصلتها وبعدين منو اللي بيعين حرمة حامل وش اسوي تكفووون ردودكم

لا حول ولا قوة الا بالله

وربي يعينج اختي الغالية ويسرلج كل أمورج

الله كريم صبري
واكيد ربي بيعوضج

عسى الله يعطيج الصحه والعافية وفعلا انا بعد اقول ابحثي عن شغل ثاني حاولي لا تيأسين او حاولي تلقين دخل ثاني لو عندج اي هوايه تقدرين تستفيدين منها مثل يعني بزنز او شي