مرحبا خواتي سيدات الامارات ,
شحالـكن ,اخبـآركن ,
عيـدكم مبـآرك,وكل عام وانتو بخير
خواتي انا من العين واباكن ف شغله تخص الموديلات ,
ابه خيـآط ف العين يفصل موديلات وشيفون يعني يضبطهن ,
لان كل خياط طلع روحي ,ابه جي واحد فنان ويعرف هالسوالف,
ف ياليت اللي تعرف تخبرني اسم الخيـآط ,ومكانه ,والاسعار عنده ,
وتقولي شو فصلت من موديلات وياه ,عشان اخذ افكـآآر ,
وماتقصرون والله
ان شا الله بنات العين يفيدونج
* اللهم أجعل خير عمرى آخره وخير عملى خواتمه وخير أيامى يوم ألقاك فيه *
للرفع
مرحبا ختية . .
عندج الابرة الذهبية يوم بتدخلينه روحي عند الهندي اللي ع اليسار ماشاء الله عليه يفهم ويضبط الموديل ،،هالعيد فصلت عنده وقبل بعد مفصلة . . لاتروحين عند الهندي اللي ع اليمين لانه خربلي الموديل!!!
و ختية تمدح بعد ليلة الحنة عدال الوادي الأخضر بس الصراحة شفته غالي نفس الموديل اللي فصلته في الابرة قالي بسويه بـ ٩٠٠
في الابرة سويته بـ٤٠٠ !
و عندج بعد لورا عدال باتشي . .
و السيدة الأنيقة صوب مصرف بوظبي الاسلامي بتلقينه ع زاوية . .
أتمنى اني فدتج . . =)
مرحبا اختي
نفس ماقالت الاخت لي قبلي
الابره الذهبيه
وعندج السيده الانيقه حرمه اخوي دووم فساتينها ولبسها من عندها وايد حلو بس بالنسبه للاسعار ماعرف
وين مكانه الابره الذهبيه بالضبط؟