حبيت اسأل اي وحده اتعرف طريقة الدونت بالجهاز الخاص بالدونت كيف اتسويه وابغي طريقه مضمونه وسلامتكم
انا بعد ابا اعرف
و وين ايبيعون هاجهاز
السموووووووووووووحة
حبوبه جهاز الدونت بتلاقينه بالمحلات اللي تبيع الكترونيات المطبخ مثل الجمعيات الكبيره قولي لهم ابا مكينة الدونت او روحج بتلاقين مكينها لونها بيضه لها غطا تتسكر وبداخلها دوائر متوسطه
والطريقة بيبها لج من اعند اختي بس طبعا مش شرات الدونت مال المحلات بس اذا غطيتيها بالككاو السائل او السكر تطلع حلوه
انا بعد بانتظار الطريقه معاكم ..
السلام عليكم
هلا خواتي انا عندي الجهاز وشريته من محلات الاكترونيات ومب غالي اخذته بـ 6 دينار بحريني يعني ما يعادل 60 درهم بس
اما طريقة الدونت انا اسويها بس مقليه وهذي طريقتها:-
المقادير
2 حبه بطاطا صغيرة مسلوقه ومهروسه
2 كوب طحين جميع الاستمالات
2 ملعقه اكل خميرة فوريه
2 ملعقه اكل باكنج بودر
1 ملعقه اكل زيت نباتي
3 ملاعق اكل حليب بودر ((اي نوع وانا افضل النيدو انتي كيفج الي تبين ))
ماء للعجن تقريبا نصف كاس
بيضه وحده
تخلطين المواد الجافه وبعدين تحطين الزيت والماي بالتدريج شوي شوي وتعجنين واذا عندج اله العجين ممتاز واريح وكل ما عجينتي اكثر طلعت النتيجه احلى
بعد العجين اتركي العجينه ترتاح لمدة ساعة
بعدها اخذي كميه منها وافرديها قطعيها دوائر بواسطه كاس او اي شي دائري الشكل واخذي شي ثاني دائري بس يكون اشوي اصغر عشان تسوين الدائرة الي في النص واقليها في الزيت ورشي عليها سكر مطحون وبالهناء والشفاء
وبالنسبه اذا بسوي في الاله الخاصه اسوي دونت بس طريقتي غير
المقادير
كوب طحين بالخميرة
كوب سكر
نصف كوب زيت نباتي
3 بيضات
هيل وزعفران وماء ورد
اخلط المكونات ماعدا الطحين جيدا
ثم اضيفهم على الطحين وامزجه جيدا
اصبه في الاله ولا احلى منه اولادي يحبونه
اهو صج دونت بس طعمه حلو مرة كأنه خنفروش بس اخف منه لانه مو مقلي في الزيت
والسموحه اذا طولت عليج
تسلمين الغاليه بجرب طريقتج ان شاء الله ..
بس الطحين بالخميره نحط بداله طحين عادي؟