ابغي حد يساعدني في غرفه الثياب

تدرين .. ها احلى جزء في البيت يعيبني .. احس صدق يلم غرفتي كلها

انا عن نفسي من كم سنه غيرت الدريسنج رووم مالي و غيرت الكبتات بالكامل .. طبعا تفصيل عند واحد يسوي بيبات و كبتات و طاولات .. المهم

عندج اختيار انج تسيرين عن محل الخزائن المبتكره .. افكارهم حلوه .. بس اسعارهم شوي غاليه على حسب ما اذكر

انا رسمت الي اباه في ورقه وشكل الكبت و تقسيماته .. و هم نفذولي اياه ..

اهم شي انه يكون فيه عمق .. و انه يكووون لين السقف .. عشان الكبت العلوي تستخدمينه حق التخزين .. يعني مفارش .. شنط سفر .. ثياب شتويه .. اي شي ..

وبعدين قسمي اغراضج و شوفي انتي كم وحده تحتاجين .. يعين انتي تبين مساحهه للبجامات .. مساحه ثانيه للبناطلين .. مساحه ثانيه للملابس الداخليه ( درج للاستعمال اليومي .. درج للمناسبات .. درج للاطقم الكشخه ) .. يعني خلي كل شي في مكان عشان انتي ما تتلخبطين بعدين و ما تدورين واايد ..

وصح .. شي مهم لازم تحسبين حسابه .. خلي مكان حق تعليق يكون مرتفع بحيث انه الفساتين و العبي ما تتجسف من تحت ..

بحطلج بعض الصور و الافكار الي ممكن تستفيدين منها ..