ابا اييب 5 فالايلتس، كيـــف؟

مطلوب مني الايلتس للإلتحاق بالكلية و أنا مستواي ضعيف في اللغة الإنجليزية و لا أريد أن تضيع مني هذه السنه بعد .

سمعت أن فالايلتس وايد ينجحون وييبون 4.5 و 5 وهم مستواهم ضعيف فاللغه بالإنجليزي كـــــيف ابا أعرف ؟
الشهر اللي طاف درست فالمعهد البريطاني لكن خلوني في مستوى وعشان ادرس الايلتس يبالي بعد اخلص مستويين وانا ابا اخذ الايلتس قبل شهر 8 وان شاء الله بسجل للامتحان في شهر 7/
ارجوكن ابا مساعدتكن عشان احصل الدرجة المطلوبه 4.5 للإلتحاق بالكلية . إلي عندة طريقة دراسه معينه تفهم منها أو مدرسه ممتازه تفيدني فالدراسه وهل تنصحوني ادرس بروحي او ادور لي حد يدرسني ،أرجوكم لا تبخلون علي به .
مع العلم انا قد جربت الامتحان والنتيجه كانت 3 في الكل من الرايتنق والليسنيق والسبيكنق والريدنق.
والله ولي التوفيق

درست كتاب الأيلس الي في مكتبة جرير في أبوظبي سعره تقريبا 150 درهم

درسته بروحي

في كتب ايلس فالمكتبات المجرودي او جرير .. اخذي وادربي .. اخذي اللي ويا السي دي عسب تسوين اللسنق .. وحطيلج وقت .. يعني الريدنق 60 دقيقه .. حلي في 60 .. ولا تقرين كل شي اقري الاسئله عقب حلي .. اسهل طريقه يعني .. اقري السوال وحطي دائره عالكلمه اللي توصلج للحل .. ورحي الفقره سوي سكان ودوريها .. وساعات ما تكون نفس الكلمه بس نفس المعنى عسب جي لازم تلمين بالفوكاب ..

امتحان الايلتس مب شرط تكونين شاطره ف الانجليزي و ترمسين عدل المهم انج تعرفين كيف تحلين الامتحان
انا تخرجت هالسنه من الثانويه و مستواي في الانجليزي مب ذاك الزود ….و ربيعتي سجلت للامتحان قلت بجرب حظي وبمتحن وياها و اخذ فكره بعد

و لا درست شيء ولا سرت معهد الا قبل موعد الامتحان بيوم الشىء الوحيد الي اعتدمت عليه هو النت

بقولج باختصار اضمني درجات ف الرايتنق و الاسبيكنق لان اسهل شيء

http://www.ielts-exam.net/

عندج هالموقع في اغلب المواضيع الي ممكن تيي ف الاسبيكنق و في اجوبه بعد

و في نماذج عن الريدينق و اللسننق بعد

بالنسبه للسنينق عندج 40 سؤال و انتي المفروض تييبين فوق ال14 اجابه صح عسب تييبين 5 هالكلام من استاذ ايلتس

و الريدينق بعد نفس الشي

يعني اهم شي اضمني 14 سؤال وتاكدي انج جاوبتي صح عسب تييبن 5

و سوري اذا رمست وايد