السلام عليكن صبايا و عرايس بتحديد
حبيت اشاوركن بخصوص مكياج العروس
انا من العين بس مدحولي مكياج صالون عمرو في دبي ( بس طبعا الللبنانيات الي معاه يمكيجن)
شو رايكن فيه
او عطوني اسامي مكياج حلو حق العرايس وابا اسوي بروفه …
فيدوني …
هلا حبيبتي
والله انا نفس حالتج .. قلت لهم افيدوني بصوالين بوظبي حق العرايس ؟؟؟
بس تلخبطت اكثر بدل ما احصل اجابه
صالون عمر عمري ما سمعت ان حد من ربايعي او اهلنا سارله
شفت بعيني شغل الصالون اللبناني .. بس مب شغل رنده شغل وحده ثانيه نسيت اسمها صغيره
حلو ما اقولج لا ,,, بس جديم
سمعت عن كيوت بالاس بس مادري محد عطاني اجابه شافيه
ان شاء الله نسمع اهنيه اجابات حقي وحقج
موفقه ..الله يتمم لي ويتمم لج ع خير
ظبانية من بوظبي وبعد سميرة في عروس الصحراء …
وياريت ما نشوف الاجابات القاتله شرات موفقه .. مبروك .,. اب .. للرفع
نحن اهنيه نبا اجابات لتساؤلاتنا
اللي يقدر يفيد يتفضل والله يجزاه خير وبندعيله
واللي ما يعرف يدعيلنا بقلبه
لا تترسون الصفحات وتضيعون وقتنا وتشتتون افكارنا بليز
امممم عندج مكياج مريم البكري في بيوتي بلاس واايد غاوي
و بعد مكياج سوزي في بيت الجمال في بوظبي
امممم دبي ليندا وايد يتمدحونها و عندج ماشاء الله البنات الموطنات وااايد يخبل مكياجهن بس ماايستحضرني ولااسم الحين للاسف
انا من الشارجه .. ان شاء الله البنات يفيدونج
انزين عشوقه انتي شفتي ميك اب بيوتي بلاس وبيت الجمال على احد؟
لو احد خيرج منو بتختارين؟