السلام عليكم ورحمة الله وبركاته
بكره بأذن الله عندي عزيمة وأبي أسوي حلويات ومن ضمنهم الخنفروش وأبي طريقة مظبوطه وتبيض الوجه
فديتكم انتظركم لا تفشلوني عاد
الغالية هاي الطريقة انا ماخذتنها من المنتدى بس للحين ماجربتها لأن ماعندي ماكينة الدونات
بس وااااايد مدحوها
الخنفروش اللذيذ مع الهيل والزعفران بماكينة الدونات
أخليج مع الطريقة:
هذا الخنفروش اللذيذ مع الهيل والزعفران
والطريقه مضبوطه ومن اول مره تضبطونها إن شاء الله
المقادير :
1 كاس طحين رقم 1
6 بيضات
1 كاس سكر
1 كاس طحين عيش (( ارز ))
نص كاس زيت
1 ملعقه كبيره هيل مطحون
فنجان ماء ورد مضاف اليه زعفران (( الزعفران على كيفج انا احبه وااايد ))
شويه فانيلا
1 ملعقه صغيره بيكنج بودر
الطريقه :
نضع البيض ويضرب بالخلاط وعقب نضيف السكر والفانيلا حتى يغلظ القوام شويه
ثم يوضع (( طحين العيش وطحين رقم 1 )) والزيت والبيكنج بودر
وبعدها يضرب بالخلاط لمدة خمس دقايق في الاخير نحط الهيل والماي الورد والزعفران ويضرب مره ثانيه شويه
ويترك بعد الخلاط لمدة نص ساعه
ثم ندهن الماكينه بالزيت ونصب مقدار من الخليط ويترك حتى يستوى
هني وعافيه ,,,
مشكورة حبيبتي على سرعة الرد بارك الله فيك والله يرحم والديج
هلا الغاليه أنا هالطريقة دايم اسويها
1كوب سميد- 1كوب طحين رقم 1 -1كوب حليب نيدو- 6 بيضات -1كوب سكر- 1كوب زيت نباتي -3ملاعق صغيرة بيكنك بودر -1ملعقة صغيرة هيل ناعم – نصف ملعقة زعفران ناعم -34ك كوب ماء
تخلط المقادير مع بعض في خلاط الكيك لمدة 5دقايق
بعدين في سويها ىفي ماكينة الدونات
أن شاء الله تعيبج