السلاام عليكم ورحمة الله وبركاته
بغيت ردود سريعة وتجاوب مفيد لا تحطموني
انا ااداوم وتقريبا اليوم يوني بنات من الجامعة وبيتمون تقريبا وياي لمدة اسبوع يعني 5 ايام على اساس اشرحلهم عن شركتنا،
والمفروض انا لازم افهمهم عن الشركة بشكل عام وشي ثاني مديري يباني اخبرهم انا شوو اشتغل بالضبط وازودهم بالمعلومات المفيدة ..هم تقريبا بيتمون وياي من ساعة 8 لين 2 …
الحينة السؤال الاهم ..
تقريبا بديت اليوم وشرحتلهم عن الشركة بشكل عام …وعقب تكلمت عن الشغلة اللي اشتغل فيها بشكل خاص ..وها كله خلصته في حدود ساعتين بالكثير ..وعقب عطيتهم بريك …وبديت وياهم بشكل عملي ، وخلصت وياهم بسرعة …
وتقريبا خلصت وياهم ساعة 11 ونص…
بصراحة ابغي افكار شو لازم اشرح حق البنات ..احس اني بسرعة اخلص وياهم والوقت ما يطوف بسرعة …
رتبت جدولي :: على اساس اشرحلهم ساعة نظري وساعة عملي وساعة اخليهم يسوون ريسيرج على اشياء يديدة …بس جي بخلص 3 ساعات حرام اظلمهم ويتمون وايد في الدوام
وبنفس الوقت انا عندي اشغال وما اقدر اتفرغ يوم كامل وياهم،، يعني بصراحة ما عرفت كيف انسق وقتي ،،
ممكن اللي عندهم خبرات يخبروني كيف انسق وياهم …وهم لازم يقدمون تقرير بعد حق استاذهم ،
باقي 3 ايام ، وفي هالثلاث ايام ابغيهم يطلعون وهم مستفيدين ، والشي الثاني يستوي اخليهم يسيرون اقسام ثانية وانسق هالشي بنفسي ؟؟ولا لازم اكلم المدير بخصوص هالشي ،
امور وايد في بالي وحبيت اختصرها على اساس اطلع افكار من عندكم ،وان شاء الله احصل تجاوب من عندكم 
ماشاءالله عليج ربي يوفقج الغاليه…
شوفي عرضي كل هالامور على المدير و شوفيه شو بيقول خليه يشاركج في افكارج و يمكن بعد يزيد لج افكار…
قوليله انا اباهن يستفيدن للماكسيمم و خبريه كل الافكار اللي تسوينهن وياهن و قوليله شو تقترح بعد عليه؟!
و قوليله انج لاحظتي انج تخلصين وياهن بسرعه شو ممكن بعد تعطينهن!!
و اذا في امكانيه يمرن على باقي الاقسام و طبعا بموافقته و بتنسيق منج^^
هذا اللي اقدر افيدج فيه عاد لا تغترين تراني عاطله عن العمل و ماقد حتى تدربت خخخخخ
سمحيلي عاد جاني ما عطيتج شي مفيد ^^
و بالتوووفيق ان شاءالله^^
تسلمين حبيبتي
اهم شي مرورج الحلو وبالعكس عطيتني فكرة اني اراوي المسؤول واشاوره كنت مترددة من هالناحية
ما عندي خبره
بس حبيت ارفع لج الموضووع
للرفع
شوفي اختي انا من فتره كنت اتدرب
المسؤوله عني اول ايام كانت ترمسني عن الشركه وجيه وعقب كانت تعطيني تاسكات اسويها وتكون جزء من شغلها يعني تاسكات خفيفه لين عقب ابتدت تعطيني شغل اكبر ..
وكانت تخليني يوم يكون عندهم ميتنغ احضر الميتنغ واشوف كيف يشتغلون وجيه ..
انتي على حسب البنات اذا كان تخصصهم نفس قسمج حاولي توزعينهم على الموظفين اللي عندج انهم على الاقل ييلسون وياهم ويشوفونهم كيف يشتغلون ..
وااذا فيه اقسام ثانيه ممكن تحطين كل وحده فقسم وتخلينا تتعلم واليوم الثاني تبدلين بينهم يعني اللي فكانت فالقسم الاول تسير الثاني واللي كانت فالثاني تسير الاول وجيه يعني ..
هذا اللي طلع ويايه الحين واذا قدرت برد وخبرج
موفقه حبوبه
انا في دوامي الجديم يونا بنات متدربات ومرن على قسمي
بس ياليتج ذكرتي انتي اتداومين في اي قسم عسب البنات يساعدنج بشكل اكبر..
اختي شوفي شو الاشياء الجديمة اللي ما خلصتينها شرات الفايلنق والملفات اللي عندج خليهن يرتبونها…
انا مثلا كنت في قسم الايتي.. كنت اخليهن يعبن اوراق وبيانات
عطيهن الاشياء الروتينية البسيطة اللي تسوينها.
وغير جي خليهن يتعلمن من كل الاقسام كلمي المدير يمررهن على اكثر عن قسم
هذا اللي عندي