السلام عليكن و رحمة الله و بركاته
اللهم صلي على محمد و على آل محمد كما صليت على ابراهيم و على آل ابراهيم و بارك على محمد و على آل محمد
كما باركت على ابراهيم و على آل ابراهيم فالعالمين إنك حميد مجيد
خواتي بارك الله فيكن .. حاسه بـظيق و خوووف 
حلمت حلم و خايفه منه .. فيه معاني زينه و فيه معاني شينه .. و خايفه إني أفسره بصراحه
أخاف يكون الحلم شين و يقع لو فسرته .. لأنه بعض الأحلام تقع عند تفسيرها
و أنا من نشيت الحلم مسيطر علي بالرغم من إني مب متذكرتنه كله بس حاسه بخوووف
أخافه يكون شين و يستوي شي لا سمح الله .. مره حلمت حلم و فيه واحد من المعاني الشينه
اللي في هالحلم و سبحان الله استوت مشكله وياي و وايد كبيره بس الحمدلله رب العالمين ستر
و انحلت عقب و لله الحمد … خايفه ألحينه من هالحلم … شويه أجوفه زين و شويه أجوفه شين
و يخوف
ساعدوني شو أسوي ؟؟؟
اللي تحلم حلم مب زين و اتنش مظايقه و مب عارفه شو تسوي ؟؟؟
ردن عليه أنا محتايه مساعدتكن … و اللي ما تعرف لا تحرمني دعوه في ظهر الغيب إن الله يرحمني
و يفج عني البلا .. لو كان في هالحلم شر و بلا
خير اللهم جعله خير
لا تخافين يا الغاليه ان شاااء الله خير
توكلي على الله
تعوذي من ابليس وانفثي 3 مرات صوب اليسار
وتفائلي بالخييييييير
ما عليه فدييتج أهدي وذكري الله
وإن شاء الله ما عليييج إلا كل خير
يااااااااااارب أبعد الشر عن أختي ويسر كل أمورها
اذكري الله غناااتي وتعوذي من ابليس….
استغفري واقري قرآن وان شاءالله الخوف يخوز عنج….
ان شاءالله كل خير……..
لا ‘إلـه إلا اللـه سبحـانك إنّـي كنت من الظـاآلميــن ….
توكلي ع الله ومابيستوي غير الي ربج كاتبه
تصدقي
لآني أنا مرة حلمت حلم مب زين وفسرته وخفت ع طول سرت تصدقت
والحمدلله ما استوى شي^__^
الصدقة زينه تبعد الشر أو المصيبه أو المكروه عن الشخص
ولا تيلسين تفكرين وايد ف الحلم عشان مايستوي
مرات الشخص يحلم أحلام تخوف بس تفسيرها يكون شي حلو وزين
ماتعرفين