السلام عليكم يا غاليات،،
موضوع شغلني مثل ما شغل غيري،، يوم بكون عروس وسط كل التوتر،، و الناس،، و التفكير في كل صغيرة و كبيرة تجنبا لوقوع أي غلط،، أكيد جزء من الذاكرة راح يكون خارج سيطرتي..
لي و لريلي و لأهلي و لصديقاتي اللي ما قدروا يحضرون عرسي و لعيالي ان شاء الله في المستقبل أبي أسوي أحلى ألبوم،،
شفت وايد ألبومات مختلفة من ناحية التأثيرات في التصوير و الألوان و الخلفيات و طريقة عرض الصور و تزيين الألبوم نفسه و بغيت كل وحدة معرسة أو لها اخت أو قريبة أو صديقة معرسة و لها تجربة مع الألبومات تشاركنا للاستفادة العامة ويا ريت توضح حسنات و عيوب الألبوم,,
مع تمنياتي للكل بالتوفيق
افضل التصوير الديجيتال اكثر عن التصوير العادي ..
لانه الخلفيات تكون كبيرة والصورة دامجينها مع الخلفية يعني تقولين الصورة وحدة مش مركبة ^_^
اتوقع الحينه الاغلب يسوون جيه ^_^
وخاصة لو كانت هناك تأثيرات وعبارات حلوة .. والوان هادية ومتناسقة ..
وخاصة في محل تصوير عندنا بدبي فنانين اول مرة اجوف جيه .. الالبوم يحطون ع الصور كرستال وخاصة على عقد العروس او ويها او في شعرها في الصور المطبوعة ع الالبوم روووعه تقولين صج ..
استيديو البادية ف دبي ورا مركز بوهيل
تصويرهم ديجيتال
حلو واسعارهم معقوله
ويحطولج فصوص ع الصور
انا سويت البوم ملجتي عندهم شفته بس بعدني مايبته
لانه قبل مايطبعون الصور يراوونج اياهم ف الكمبيوتر
اذا ما عيبج شي يستوي اتقوليلهم يغيرونه او يحذفونه
ان شاء الله البوم عرسي من عندهم
للرفع
ما صار لي شئ لاني بعدني ما عرست خخخخخخخخخخ
والله انا جربت استديو ياقوت الي فالشارجه والصراحه عايبني شغلهم
جربت عندهم ملجتي وحنتي وعرسي وانصحج تسيرين ع الاقل تشوفين الشغل قبل ما تسوين
ترى عادي تراويج كذا نموذج عن شغلهم
الله يوفقج
أنا تجربتي كانت مأساويه ويا الياقوت // التصوير حلوو من ناحيه الوضوح والتقاط الصور
بس التركيب وتعديل الصور ، لاشي ، صفر على الشمال / خصوصا لاني دزاينر وأعرف في
سوالف الفوتوشوب ، مجرد تصوير وحطوهن في الخلفيات ولا تغير ولا تعديل على الصور
ولا شي ، وايد شيب الصراحه ……….
وتجربتي الثانيه كانت ويا استديو جميرا ، بس صدق كااااااااااااااااااااان تعديل ولا أروع !!!
والالبوم رااااقي بروفشنل / يعني ماعندهم خرابيط الكرستال والريش ، لا // مجرد تفننننننن
في الصور ………….