السلام عليكم يا أحلى بنات
بصراحه وايد استفدت منكم بهالمنتدى و خاصه انه ها اول حمل لي
الموضوع يا حبيبات السلامه
إني حامل في الشهر السابع و عندي الام في منطقه الفخذ تقدروا تقولوا مثل الشد العضلي بس ما ييني إلا يوم برقد في الليل
بغيت اعرف إذا هي طبيعيه و هل في طريقه تعالجها اي شي
بصراحه لي إلى الأن يمكن اسبوع وشوي ما ارقد إلا و انا قاعده و بصراحه رقبتي انكسرت من هالنومه
بدعيلها ليل و نهار اللي تساعدني
انا هالشد يعذبني طول الحمل ماشي يخففه كثر حبوب الكالسيوم انتظمي عليها وبتشوفي وبعد ارفعي ريولج الي فيها شد حطي كم مخده تحت الريل الي فيها الشد وبيخف ان شاء الله
كلنا في الهواء سواء
يعني عادي الي اتحسين به
بس لما ترقدين حطي مخدتين تحت ريلج حتى ترفعينها شوي
حتى ابسط شي يوم بي ألبس شي ولا أدخل البانيو يعني بمجرد أرفع ريلي ولو شي بسيط أموووت من اللألم ..
أخففه بأني أتسبح بماي دافي وأصوب الماي على الريل اللي تعورني ووقت الرقاد أتعامل ويا المخاد وحده بين الريول ووحده تحت الريل اللي تعورني ..
وصدقيني بمجرد ما يطيح الياهل وتشوفينه وتسمعين صوته بتنسين كل ألم وكل الأعراض اللي يتج ف الحمل إن شاء الله ..
والله يتمم لج على خير ويسهل ولادتج يا رب وتقرعيناج بشوفة الكتكوتته بصحة وسلامة
انا الشد اييني من السابع وما اييني الا وقت الرقاد ووووايد يتعبني اكره الرقاااد بسبته
بس خذي حبوب الكالسيوم والحديد وحاولي شوي تمشين وراجعي الدكتوره ممكن تعطيج كريمات
هذا ايي مع زيادة الوزن للحامل وبعد لان البيبي يكبر فتحسين بالضغط
ربي يقومج بالسلامه
اااااااه يا قلبي ربي وياج ويلا هانت باقي شهرين وبيعدون بسرعه وبينزل البيبي ان شاءالله وبتنسين كل التعب
عاشقة زوجي:: أن شاء الله اختي طلبت من الدكتوره تعطيني حبوب كالسيوم لأنه الحليب ما اقدر عليه ابدا
ررقي:: امس جمعت كل مخاد البيت و حطيتها تحت ريولي بس بعده الألم
ريم:: و الله يا اختي ما في شي مصبرني غير اني ابا اشوفه جدام عيوني و احضنه يارب انها تكون ولاده سهله و يولد بصحه و عافيه
غلا بن شامس:: حاولت اطلب منها اي كريمات او مراهم بس قالت ما في شي اقدر اعطيج اياه و بالله المستعان
محبوبة الجميع:: يارب يعدي هالشهرين على خير والله اني نسيت طعم النوم والله المستعان