انا كنت في يوم أحدى طالبات إبداع..تخرجة من هالدورة وعلى أمل إني
أحصل وظيفة محترمة تناسب مؤهلي الجامعي..لكن للأسف كل الوعود
إللي وعدوناا فيهاا راحت أدراج الرياح..وعلشان يتخلصوا من وحده
قالولي بنشغلج عندنا وبندور لج على وظيفة ثانية..وبتكوني تدريب
وأنا وافقت بس لاني بكون تدريب عندهم مب موظفة
لكن أنصدمت بعدين أني موظفة عندهم وشطبوا اسمي من قائمة
إللي يبحثون لهم على وظيفة..قلت ماعليه بتحمل على الأقل أخذ خبرة
وبعد هم قالولنا بأنه بعد مرور سنة على توظيفنا وياهم بيزيدوا رواتبناا
لــ 12 ألف بعد الــ 6 ألاف..وأنا في بالي قلت لا ماأظني أتم وياهم لحد سنة
والحينه كملت سنتين 
ولا زادوا في راتبي فلس حمر
لا والمصيبه نحن الوحيدين "المواطنات" ماناخذ دورات..من أشتغلت
في هالأكاديمية المقصه لا دورة ولا زيادة ولا تحسين وضع ولا مسمى وظيفي محترم
وكل إللي في الأكاديمية من مصارى على زلمات على أجانب يعطوهم دورات
إلا نحن..ربي كما خلقتني..ماحسيت أني أطورت ولا تحسن من مستواي خلال هالسنتين
وعلى فكره نحن الوحيدين في هالاكاديمية رواتبنا ضعيفه جيه..وطالبنا ومحد سوالنا
سالفة..الزيادات على الترقيات على الدورات والكورسات تشمل كل الوافدين إلا نحن
أبى أستقيل بس والله مافيني ع يلست البيت وأنا تعودت أصرف على نفسي
ومب عارفة عند منوه أشتكي .. حاسه بظلم مش طبيعي
لا وتكفيناا نظرت الإحتقار إللي يطالعناا فيهاا هالوافدين..والله العظيم أحس إني مب فبلادي
كأني في دولة ثانية حق الإماراتي مهضوم..!!
الله يعينج … والله ما قدرت أفيدج .. إن شاء الله خواتي بيساعدونج …
صدق ضيعو من عماركم وااايد … الله ينتقم من الظالم …
الله الستعان
الله يعينكم للاسف هذا الواقع نعامل كوافدين في بلادنا
الله يساعدج
مب بس انتي بهالشي
حميتي تشتغل مهندسه فجامعة الامارات
ومثل وضعج بالضبط وأسوأ
احينه الزلمات والاجانب راكبين فوق رووسنا
وين المواطن ؟؟؟؟!!
المواطن انمسح بسمه القار
ماشي مواطن احينه طولي بعمرج
المواطن كان على ايام زايد الله يرحمه
خليها على ربج بس خيتو
أنا والله من هذا كله مب هامني البيزات .. كثر ما هامني أنه يسولنا شوية إحترام
ويعاملوناا شرات معاملة هالوافدين..!! رغم إنا شراتهم عندناا شهايد جامعية
لكن لا أحترام ولا تقدير ولا معاملة زينه شرات الأوادم ولا دورات
والله من كم شهر كنت مسويه مقابلة في مكان حكومي..والريال إللي يسويلي
المقابلة مواطن سألني كيف مديرج في أكاديمية الامارات لأني قلتله اني أشتغل بس أبى
أغير الوظيفة..قلت له والله إنسان محترم وطيب "ومديري مواطن على فكره بس مسفهنا ولا مسولنا سالفة"
بس ماحبيت أذمه جدام الريال وأنقص من جيمته..قالي الحينه أنتي من أشتغلتي في أكاديمية الإمارات
على حسب ماتقولين كملتي سنة وسبع شهور كم دورة أو كورس خذتي..أنا أنحرجت ورديت عليه
ماخذت ولا دورة..رد عليه "عيل أي طيبه في هالمدير إذا قربتي تكملين وياهم سنتين ولا خذتي ولا دورة"
قلت في بالي الدورات بس حق الوافدين والمصيبه الأكاديمية نفسها تعطي دورات ومب طايعين يعطوناا نحن..!!