السلام عليكم ورحمة الله وبركاته
الغاليات أنا امربيه تقريبا من 3 أسابيع ويبت بنوته الله يحفظها لي يارب
وانا بصراحة محتارة إذا أقرعها ولا لأ وعلى فكرة شعرها ماشا الله وايد كثيف وناعم بس الحبه خفيفة
وقالولي أن شعر البطن بعد فترة يطيح وأخاف أقرعها ويطلع لها شعر خشن للعلم شعري وشعر أبوها ناعم
فبشو تنصحوني؟
الغاااليه انا ماقرعت بنتي ,,,ومحتاااره فالموضووع لاني انا اثلا مب مقرعه..
انا ما قرعت بنتي لأن ما شاء الله شعرها حلو … وألحين هي تمشي في الاربع ما أحس أن طاح منها
الغاليه اشخصه اذا قرعتيها بيطلع خشن دام الشعر ناعم بيتم ناعم
وانا اعيالي كللللهم قرعتهم الحمدلله والحمدلله اشعورهم ناعمه وحلوه ماشاء الله
وانتي شعرج ناعم وشعر ابوها ناعم يعني اشمعنى شعرها بيطلع خشن
اختي قرعيها باكر يوم تكبر ويكون شعرها خفيف بتندمين والله
وهذا الكلام اقوله لج عن تجربه
ولج حريه الاختيار
وترى الشعر ما يتغير ولا يطلع خشن الا اذا كان بالوراثه
وهذا الشعر الموجود الحين هذا شعر بطن وما يدل عن نوعية شعر الطفله
الله يحفظلج اياها
انا رايي اذا شعرها حلو ما شاء الله لا تقرعينها
شي منهم يستوي شعرهم خفيف ويطيح فالافضل تتقرع