السلام عليكم ورحمة الله وبركاته
كيف حالكم يا حريم وبنات سيدات إلا مارات
نحن نعيش هذه الأيام المباركة
يارب آت بلغنا رمضان ونحن في أتم الصحه وعافية
عندي لكم أفكار حلو وايد حق رمضان أنا عن نفسي استفدت من بعضها
*الافكار هي :
أدوات المطبخ يعني الأغراض الي توفر علينا الوقت
مثل غلاية ألماي
مافي مطبخ يخلى من غلاية ماي ولكن في رمضان لازم يكون فيه أكثر من واحد عسب نكسب الوقت ونوفر الغاز.
ًًً
*اشتري كميه من أغراض بلاستيكية مثل صحون ملال ملاعق وشوك وسكاكين خذي أشكال وأحجام عسب أتوفرين وقت وجهد
*اشتري الأكياس الخاصه بالثلج قبل الرمضان عبي بالماي وحطيه في الفرير وتقدرين بعد تاخذين أغراش ماي الصغيرة واتثلجينها وبعد ما تتثلج
آتكسرينها واتحطين كل كميه في كيسه واتحطينه في فريز
*سوي كميه من الشيره وحطيها في غراش يعني القطر الخفيف حطي مرطبان زجاجي وغليظ حطي في أقماع الي ينباع في سوق العشرات مال
كشب وحطيها في الثلاجة
*احمسي كميه من الحليب بودره وحطيه في علبه بلاستيك في حال إذا احتجتي حق حلويات
*اطحني كميه من البسكويت وحطيه في علبه بلاستيك يعني كل باكت حطيه علبه صغيره .
*وطحني مكسرات جزء منه يكون مجروش وجزء الثاني مطحون وطحني الهيل والدارسين وحطيها في غراش احكمي إغلاقها
*اعصري كميه من عصير الليمون وحطيه في الفريز اي كل ليمونتين في كيسه
*قشري كميه من الثوم وحطيه في مرطبان حطيه في الثلاجة وكميه ثانيه افرميها وحطي عليها زيت زيتون وحطيها في الثلاجة
*الدجاج اول ما تشترينه قطعيها أرباع أو انصاص وقسميه في أكياس وبهري جزء منه لبرستد أو لشوي أو لسلق حسب احتياجك
*جهزي بهاراتك الي انت تعوتي تستخدمينها مثل بهار اللحم تشترينها جاهزه ولا انتي اتجهزينها مثل بهار الحلو الكركم الفلفل بأنواعه بهارات الحب
*عند شراء لفة السمبوسه لفيها كامله واحفظها في علب بلاستيك في فريزر بي تم طازج لمدة أسبوع لعشرة أيام
*الاشياء الي بمستخدمينها على طول خليها كبت بروحها
*سوي نوعين من العصير يعني العصاير الي نحن نسويها في البيت مثل الفيتو والتانج وغيره خلي يكون في الثلاجة منه على طول غير العصاير الطازجة يعني مكان مال العصاير الطازجة يوم يخلص نحط فيه العصاير العادية بس معالينا وقت الفطور أو السحور نفضيه في جكات ونقدمه
* وقت شغلج في المطبخ حاولي تقصدين في المواعين علشان مايتراكم على الخدامه مواعين عسب ماتتطفش من اول رمضان يعني اول ما يطيح المواعين على طول غسيله لا أتخليه يتراكم
مقدماً
تقبل الله صيامكم وقيامكم
تحياتي
للأمانة
في بعض الأفكار منقوله
حلوه الافكار
والله يعوده علينا كل سنه و كل حول
افكااار حلووه ربي يبلغنا رمضان تسلمييين
حلوة الأفكار بس في بيوتنا محد يأكل او بالأحرى
ما يحبون استخدام الملاعق و الصحون البلاستيكية
تسلمين والله يبلغنا رمضان
افكار روووعه ؛؛؛؛
اللهم بلغنا رمضان ؛؛؛؛؛،؛؛
اللهم بلغنا رمضان