إذا إتصل فيج حد من أهلج ولا صديقاتج وقالوا إنهم بيزورونج بعد ساعة شو بتسويلهم في هالساعة ……إذا فكرتي تسوين فطاير أو بيتزا صدقيني ما بياخذ منج أكثر من نص ساعة
أول شي إخلطي ملعقة خميرة مع فنيال شكر في نص كوب ماي وخليهم على طرف (يعني لمدة عشر دقايق) وبتشوفين الخميرة إرتفعت لين أعلى الكوب
هاتي طاسة وحطي فيها ثلث كوب زيت وبيضة و علبة حليب بوقوس وملعقة صغيرة ملح وبعدين ضيفي الكوب إلي فيه الماي والخميرة وضيفي الطحين تدريجيا لين ما تتكون عندج عجينة طرية
والحين العجينة جاهزة على طول أفرديها وشكليها وحشيها وإخبزيها والنتيجة مضمونة
جربوها وما بتندمون.gif "12 (99)")
أول شي إخلطي ملعقة خميرة مع فنيال شكر في نص كوب ماي وخليهم على طرف (يعني لمدة عشر دقايق) وبتشوفين الخميرة إرتفعت لين أعلى الكوب
هاتي طاسة وحطي فيها ثلث كوب زيت وبيضة و علبة حليب بوقوس وملعقة صغيرة ملح وبعدين ضيفي الكوب إلي فيه الماي والخميرة وضيفي الطحين تدريجيا لين ما تتكون عندج عجينة طرية
والحين العجينة جاهزة على طول أفرديها وشكليها وحشيها وإخبزيها والنتيجة مضمونة
جربوها وما بتندمون
الغاليه نخلط مع الخميره معاي ؟؟والحليب كم الكميه ؟؟
الغالية الكوب اي واحد
الغالية تيبين نص كوب ماي وتذوبيين فيه الخميرة والسكر وتخلطينه زين بملعقة بعدين تتركينه لعشر دقايق
أنا استخدم كوب جبنة كرافت او بوك الكبير عشان تكون مقاديري مضبوطة وأما بالنسبة للحليب فعلبة وحدة من حليب كرنيشن أو أي نوع ثاني تكفي.
الغالية الكوب اي واحد
مشكورة الغالية على المرور ,,,,,,,,,,, أنا عادة عقب ما يخلص كوب الجبن أغسلة وأستخدمه في المطبخ ….. يعني أنقعه بماي دافي وشل عنه اللزقة مالت الجبن وأستخدمه عشان أقيس المقادير…..والكوب إلي أقصده هو كوب الجبن الكبير إلي بسبع أو ثمان دراهم.
بجربها اليوم انشاء الله اتوفق