البارحة سرت المستشفى سويت كل التحاليل من فحص دم وبول أكرمكم الله وسونار والحمد لله بس المشكلة الدكتورة قالت لي إن رأس الياهل عود فيه ماي ونسبة دمي كانت 11 ووزني نفس ما هو ما زاد وكتبت لي إبر لازم نطلبهم من برع 10 إبر ينعطون في العروق وأنا ألحين وايد خايفة طمنوني هل الجنين يكون في خطر إذا راسه عود طمنوني الله يخليكم شو أسوي؟؟؟؟
محد متفيج يرد علي
خلاص زعلت
صباح الخير حبيبتي
ما اعتقد في اي خطورة بس هم يمكن يبون يهيئونج حق العمليه
انا اختي يوم حملت جيه قالولها بس الحمد لله ربت طبيعي
صح راس البيبي كان كبير بس الحين يوم كبر راسه استوا طبيعي
والله وايد مضايجة وقاعدة احاتي بس محد حاس فيني الله يسامحكم
صباح الخير اختي هدي اشوي يمكن البنات ماعندهن رد يريح او مامرن بهذي الحاله اختي روحي عياده ثانيه وشوفي شوو رد الدكتوره الي بتعالجج واهي بتعرف بتريح بالج من الشكوك والله يسهل عليج ان شاء الله
الغالية ما أبغي أحبطج
بس إذا قالوا لج إن راس الجنين فيه ماي يعني فيه خطوره
لأنه أنا صار معاي جيه وكان في راس الجنين ماي
وللأسف نزل في بداية الشهر السادس
بس حبيبتي هذا يعتمد على كمية الماي الموجوده في الراس
يعني إذا كانت الكميه كبيره يعني فيه خطوره على الجنين
وممكن تسبب له إعاقه
وإذا كانت كميه الماي قليله ماشي خطوره بإذن الله
إنتي اسئلي دكتورتج وتأكدي منها أحسن
الله يحفظ جنينج اختي الغالية من كل شر