أختي عمرها 10 سنين اتلاعن و تدعي بالموت عالي تعصب عليه شو الحل وياها ؟؟؟

مثل ماقريتوا فالعنوان اختي الصغيره اذا تضيجت علي حد اتم تلعن ( الله يلعنج ) و هذي سامعتنها من اخواني الاولاد و عندي اخت عمرها 16 سنه عنيييده بعد و عصبيه اتلاعن عاد العوده اذا تبا تغايضنا قالت هالكلمه بس علشان ننقهر بس اخاف عالصغيره تعبت وياها ولا بعد تدعي علينا بالموت ما ادري من وين يايبتنها الحين صارلنا على هالحال شهر وتوني اذاكربها سبتني وزعلت منها ويت تتأسف بس انا اعرف انها مابتقولها جدامي بتقولها من ورايه لاني اختها العوده وحاسبه حسابي خخخخ انصحوني بنات انا ماادني الدعاوي بأنواعها ومحد يدعي غير رقيه وسبيجه شو اسويبهن ما اباهن يتعودن اهم شي عندي الصغيره

والله ما ادرى اختى

الله يهدى اختج

ايلسي وياها وانصحيها وذكريها بايات قرانيه اذا كانت تفهم وقولي لها ان الله ما يحب الشخص اللي يعلن وتبين الله ما يحبج وويبي لها احاديث وان شاءلله تتغير وتنسى هاالاسلوب

عيل أنتِ ما تتخيلين أنا أختي الصغيرة شو كانت تدعي عليّ؟؟؟

قوليلها قصة عن أضرار الدعاوي، وممكن علشان ما تجذبين تسوين برنت للقصة وتقرين لها، دوري فالنت بتحصلين وايد!

خبريها ان الدعوه ترجع لصاحبها ……….. او انها تحاول تمس نفسها
واذا ماقدرت تدعيلك مثل اآآآآآآآآآآآلله ….استب (تاخذ شهيق بعدين زفير )يهديك؛ يصلحك ؛يحفظك
جربي

المشاركة الأصلية كتبت بواسطة Um7maid

عيل أنتِ ما تتخيلين أنا أختي الصغيرة شو كانت تدعي عليّ؟؟؟

كان تقول يوم تعصب مني:

يــــــــــــــــــــــارب

يــــــــــــــــــــــــــــــــــــارب

يـــــــــــــــــــــــــــــــــــــــــــــــــ ـــــــارب تتزوجين هههههههههههه

أحلى دعوة بصراحة طبعاً هي على بالها مسبة الزواج! بس الحمدلله دعوتها وصلت للسماء

قوليلها قصة عن أضرار الدعاوي، وممكن علشان ما تجذبين تسوين برنت للقصة وتقرين لها، دوري فالنت بتحصلين وايد!

ههههههههه تتحسبينها مادعت عليه بهالدعاء تراه ماطافها ودعت قالت يعلج تعرسين وايشلج ريلج بعيد ونفتك منج طبعا الدعاوي ماتظهر الا وقت المذاكره خخخخ الله يهديها

و ان شاءالله بحاول وياها دوم

الله يهدى اختج