أختي توها مالجة وريلها معقدنها

شخباركم خواتي
بدش في الموضوع على طول أختي مالجة من شهرين
وريلها يوم يرمسها يقولها اضعفي أنا ماحب المتان المهم أختي وزنها في 70 والحين تسوي رجيم واتروح النادي والله ضعفت وايد وصلت في 60 وريلها دوم يضايق منها يقول اضعفي وما دري شو ويزعل منها وهي تصيح وهو شافها في الخطبه وكان كل شي اوكي فرحان بس الحين كله يقول لها دبه اضعفي وهي مسكينة ذابحه عمرها ما تأكل شئ والعرس جريب وهو كل يوم يزعلها ويجرحها يقول أنا ماحب المتان وهي قالت له انت شفتني وخطبتني وملجت علي والحين شو صار ????
بنات العرس قرب وهذا ريلها مايفهم هي أتقول أنا أسوي رجيم بس مصر اونه اضعفي وأنا ماعرف شو أسوي أختي كارهه عمرها تقول جان ماتزوجت زين شوها عقدني وتصيح
والله قلبي معورني عليها شو أسوي

شجعيها وقوليها خسرتي 10 قادره تخسرين 4 او 5 وهو يقولج جذيه لان مايبا يشوف غيرج ومن هالكلام
اذا صحتها ماتسمح تنزل اكثر خلاص تقوله أنا عشانك خسرت 10 كيلو بعد هذه صحتي اخاف يصير فيني شي والحمدلله الكل يمدح في جسمي والكل يقولي صرتي احلى الا انت غريبه ؟… لازم تكون واثقه من نفسها عنده

​ليش 60وزنها المناسب لطولها يمكن يبالها بعد تضعف
تقوله انت بعد اضعف حتى لو ضعيف هههههههه
اللهيوفقها ويسعدها ويهون عليها

شو هالزوجٰ الغريبٰ !

عالعمومٰ
انتي كيف تشوفين جسمها! و هل وزنها بالفعل نفس ما يقول
و اذا تشوفه انصحها ما تشوفه الين العرس هالعلوم تسبب مشاكل هي
ف غنى عنها .. و يوم ترمسه خلها واثقه بعمرها يعني لو علق
خل تقول جسمي مافي احلا منه و الكل يقول جسمي روووعه
و خليها تخلي صوتها فرفوش بعيد عن الكآبه .. عسب لا يتمادى اليوم
رجيم باجر بيظهر علة يديده بنظره طبعا !

ما اقدر انصح نصيحتي فيها خراب بيوت قاهرني والله ه

اوكي من حقه يطلب منها تضعف بس بحدود يعني ٦٠ احس وزنها مثالي خليها تقوي شخصيتها وتكون لها كلمة يعني تناقشه بس باسلوب مزح عشان ما يعصب عليها وخليها تبين انها واثقه اهم شي الثقه ربي يوفقها ان شاء الله

خليها تخفف اكل وتسوي رياضه تمشي وبتضعف ان شاءالله اهم شي تودر الاشياء اللي تمتن وتاكل اشياء صحيه

واصلا اسبوع العرس بروحه بينزلها 5 كيلو وقوليلها كوني واثقه من عمرج ماعليج منه هو شافها فالخطوبه ليش ما رمس من قبل ؟

هي كم طولها اختج ؟؟ قصيره ؟