السلام عليكم بنااااااااااااات
بناات انا يايه هني اكتب وانا والله ثم والله اني ندمانه على كل لحظة سويتها
انا بحكيلكم القصه
الله يسلمكم انا كنت ادش موقع العب فيه وهالموقع فيه جات ،، وكانت عندي مشكله ،، المهم كنت العب مع واحد هالواحد حس انه فيني شئ وتم يتخبرني وجيه …
المهم يلسنا نسولف أخر شئ سحبت منه الكلاااااااام لين ماعرفت انه واحد يقرب لي بس انه اصغر عني ب 4 سنوات !!! وعايشين انا وياه في نفس المنطقة !!!
من سؤالاتي وياه حس اني وحده معروفه ،، الح علي اخر شئ عرف انا منو ،، وماقال شئ
عقب فتره شفته في الموقع ،، قالي انه متوهق وجيه في دراسته ومشاكل وضايج
ضفته ع المسن وتمينا سوالف ،، قالي اباج تساعديني قلت له انا حاضره اي شئ تباه طرش لي ايميل وجيه قالي انااااااا مادش النت واايد ابا رقمج
انا ماطعت في البدايه ،، قالي مابيكون شئ بينا بس ابا افضض لج وجيه المهم نص ساعه يحايل فيني ،، لين ماعطيته الرقم وانا واثقه وليتني ماعطيته !!!
كلمني اول مره كان لاباقه واسلوب ،، قالي انا مشغول و بكلمج بعدين يوم برجع البيت والسموحه انا قلت بكلمج مره وحده بس ماقدر الحين ،، قلت له مب مشكله
المهم تمينا نسولف قالي انا اعرفج واحيد امي كانت ترمس عنج و انتي اسمج جيه ؟ قلت له هيه
المهم اتصال ورا اتصال ،، تعلقنا في بعض ،، استوى يدق لي كل يوم فوق 5 مرات !!
كانت سوالفنا كله بالتلفون ،، المهم مره قالي ابا ايلس وياج !! قلت له وين ؟ قال بييكم البيت !!
قلت له ماقدر ،، قال عطيني سبب قلت له ماعرف ماشئ سبب بس ما ارضاها لنفسي قالي هذا مب سبب قلت له ماقدر وبس ( مع اني كنت اقدر ادخله البيت وايلس وياه عادي لنه البيت اغلب الاوقات يكون فاضي ).
تمينا على الحال،، تطور الوضع انه بدى يطول لسانه ،، البارحة كانت اكبر ضرابه ،، قالي خليني اشوفج والا والله اراويج // والله لتشوفي ،، وانتي عارفه انا شو بسوي ،، اقدر اوزع رقمج و بخبر اهلج عنج وجيه ( مع انه هددني قبلها باسبوع بس عقب راضاني قالي مابسويها لا تخافين ) وانا حلفته من قبل حد يعرف بسالفتنا حلف انه محد يعرف ..
المهم ن، تما يقولي انتي وحده كذابه وانتي خسيسه وانتي حقيره ومن هالكلام ،، ويخبرني كل كلمه ليش تنطبق عليه مع اني والله اني انسانه طيبه ومايخصني في هالسوالف ،، انا يوم كلمته كانت نيتي طيبه ،،
يقول انه يحبني ،، بس ماعرف عقب هالكلام يحبني والا لا ،،
المهم عقب ماكان يسبني ،،، قلت له انزين تعرف على وحده وقابلها وايد بنات عادي عندهم !! قالي انتي شو شاااااااااااااايفتني واشتعل نااار ،، مع اني ماكان قصدي شئ والله
قالي يلعن شكلج يابنت الكلب يالحقيره يلعن اصلج الله ياخذج وبدى من هالسب هددني وبند
بند وخلص رصيدنا ،، وانا الحين قلبي طاااااااااايح وكارهه الدنيا ومافيها ،، هذا كله صار البارحه
ماعرف شو اسوي ،، يقولي هذا النت اللى مخربنج ،، و الجامعة هاي من دشيتيها اختربتتي ،، والله ثم والله ما اكذب عليكم الناس كلها تمدح فيني بس ماعرف ليش هو بالذات يستنقصني
هو مقدم على منحه برع ،، وادعي ربي اليوم قبل باجر انه المنحه تطلع ويسافر اليوم قبل باجر
ادعي ربي تلفوناته تطيح في الماي والا تنسرق عشان كل مسجاتي تروح ،، ومايهددني فيها
انا ماعطيته صورتي الحمد لله بس هو يعرف شكلي
الحين بنات بليز انا مابا منكم النصيحه والموعضه ،، والله اني اعرف اني اكبر غلطااااااااااانه وندمااانه وفي كل صلااه ايلس ادعي ربي يستر عليه ويهديه ويصلحه يارب
كرهت النت والله بس دشيت عشان اكتب معاناتي ،، ابا منكم النصح والارشاد
مرات اقول ابا اكلم امه ،، امه انسانه فاهمه ومتعلمه وتحبني وايد وطييووووووووبه بس بعد اخاف اطيح من عينها
بنات شورن عليه شو ممكن اسوي ،،
وبلاااه اسلوووووووب التجريح دخيلكن اللى فيني يكفيني
والسموحة
الله يهديج….
استغفري ربج وادعي انه مايصير شي
بس لا تحاولين تتصلين أو تطرشين مسج أو أيييييييي شي
بيتم يهدد عشان يخوفج وتسوين اللي يباه
طنشي!!!! لو شو ما قال أو سوا، ولو اضطريتي تبندين موبايلج فترة ولو مانفع غيري الرقم
ياما قصص سمعناها عن بنات رضخوا لتهديدات الشباب، وصاروا من مصيبة لي مصيبة ثانية أكبر عنها!!!!!
لو حسيتي انه السالفة طولت وممكن يكون جاد شوفيلج حد من الكبار اللي ممكن تثقين فيهم ورمسيهم .. يعني اخت عودة ولا امج لو انتي متعودة تسولفين وياها … ولو حد من اخوانج تحسينه متفهم مع اني ما اعتقد حد منهم بيرضى باللي صار …. بس مب تروحين تخبرين أي حد ولا امه وتكبرين السالفة!! جي تجنين ع عمرج >.<
واتحملي اللووم !!!!!!!!
بس مههههههههما صار لا تكلمينه ولا تراسلينه سواء بالموبايل أو النت … هذا لو تبين تسوين الصح، ولو ما تبين كيفج!
لأنج لو كلمتيه بيتمادا أكثر
توكلي على الله … وسوي اللي أقوله عليج
والله يستر عليج انشالله ^_^
اولا حبوبه الله يعينج … ثانيا انا ما الومج تعرفين ليش؟
لأنج الوحيده عند اهلج هذا اللي فهمته يعني تحسين بالملل دوم… بس شوفي حبوبه انتي غلطانه وانا اعرف انه هالشي بيعور قلبج بس لازم تحسين بغلطتج .. المفروض من البدايه ما تعطينه الخيط وتخلينه يرمسج بالتلفون ويتمادى وعرفج وعرف اهلج…
بس اهم شي احينه تسوينه انج تسكتين يمكن هاي حركه منه عشان تخافين … لأنه مستحيل هو يسوي جه وانتي تقولين من قبل قالج بس ما سواها… فلا تحاتين
اهم شي احينه تسألين ربج وتوبين توبه نصوحه لوجه الله واتحملي اتحملي اتحملي تخبرين امه لا تكبرين السالفه يمكن سيرتج تستوي ع كل لسان انتي ما تعرفين طينتها عدل …
صدقيني هو بس يهددج وخليه يولي رب العباد فوق وما ندم من سأله انتي بس اقري القرآن وخاصه سورة البقره وصلي واحمدي الله ع النعمه اللي انتي فيها… ولا تخافين وان شاء الله ما يصير إلا خير يا رب والله يفرج همج ويريح قلبج آآآآآآآآآآآآآآمين
الله يكون ف عونج اختي .. بس انا اشوف لو تخبرين حد من اهلج مثلا امج او اختج يكون احسسسسسسن عشان يوقفون معااااااااااااااااااااج .. ولا تنسين دعاء الستر: اللهم استرني فوق الأرض وتحت الأرض ويوم العرض
الله يهداج مادري ليش نزلتي مستواج لهالدرجة . . الله يستر عليج ياختيه
hey sweety… hope this will help u.. .. i think u should stop contacting him, i know its hard but u have it.. its in ur best interest right now.. and dont mind anything he told u earlier because when ur angry u say all sorts of stuff.. so 6aaaaaaaaaaaaaf big time… u deserve better than this… take it easy on urself and avoid him for a while regardless if he’s still around or out of the country… if u need anything at all dont hesitate to PM me…
من يتقي الله يجعل الله له مخرجا