خواتي
شوأحسن صالون في ابوظبي يقص و يصبغ الشعر؟؟؟
هلا ختيه ..
انا جربت عدت صالونات لكن حسيت ان في القص صالون (سنا) في الخالديه
اما عن الصبغه فاا ماجربت
رووح اسموه*
هلا وغلا,,,,,,,,,,,يزاج الله كل خير
بس اريد اعرف منو احسن بعد وخاصة الصبغة
جربت سيدة حرقت لي فروة الراس
تميت اتعالج اسابيع عشان جذيه مااريد اي حد اريد وحدة متمكنة من شغلها عدل
اترياكن
يمكن فيج حساسية من الصبغة عشان جيه احترقت فروة راسج
انا فيني حساسية ولله الحمد 
فما أقدر أصبغ في الصوالين 00 الا اذا بأكد عليها ما تلمس الفروة أبددددد
يعني ما تحط عالجذور 00 وأكثر الاحيان أصبغ في البيت
بس بعد اتحسس لكن بشكل اخف 00 يعني تحكني الفروة وتطلعلي حبوب دور ما داير الشعر
ماعرف شسوي 00 فصرت ما أصبغ من فترة 00!!
الحين في صبغات خالية من الامونيا اظني للشعر التعبان او الخفيف عمموما بنات لا تصبغون عند اي صالون سيرن صوالين تكون معروفة و موثوق بها
انا عن نفسي كنت دوم اسير جاك ديسانج الي في ابوظبي و غيرو اسمه الحين اسمه صار اظني فيزيومينس مادري الصراحة يلخبط الاسم و الصراحة قصهم حلو و اختي دوم تصبغ عندهم و ماشالله صبغاتهم حلوة و طريقتهم حلوة بعد
مرحبا يا الغالية
انا من خبرتي القصيرة انا دوووم اسير عند
وحدة اسمها بولييت في صالون لاروش في النادي السياحي
و بعد عندج احلام في بيوتي بلاس
و عندج جيجي في فيسز في الخالدية
و كلهم شغلهم رووعة و قصاتهم مبتكرة
لاروش روووعه عند بوليت
بس تراها غاليه