مرحبا يميع
اشحالكن يالغوالي
حبيت ادخل فالموضوع ع طول
وابي اقولكن اني توي مالكه قريب بس موقعه
ع عقد الزواج فالعشر الاواخر من رمضان
اما الحفله اتفقنا ع اساس لين ما يهدى الجو شوي
لانه حار لاني بسويها فحوش بيتنا وبتكون عائليه
آلــ سيدات الامارات
انا بتزوج ولد ابن عم بوي وامي منا وفينا واحبه ويحبني
بس المشكله انه سعودي ومعاشه مو لهناك يعني 6000درهم وهو يشتغل
مندوب وعايش هني فالامارات من زمان مو عند هله يعني عاش لاول عندنا عقب
لما انتتقلنا الشوامخ عاش عند بيت عمي لي احنا كنا ساكنين عنده وفوق كل ها ابوه ما يشتغل
وتخيلوا قاعد يصرف ع هله اللي فالسعوديه
المهم اهلي شرطوا عليه يبني لي ملحفق بروحي فبيت هلي فحوش بيتنا
واحسن لي وله من الاجار والشقق
فاللي بغيت اقولكم اياه هو ابيكم تساعدوني
في خيمه مناسبه للعرس وتكون حلوه
لانه ما يقدر يسوي العرس فقاعه وها لي قاهرني
فقلت فخاطري بنسوي عرس الرجال فساحه قريبه من بيتنا فنفس المنطقه
لي ساكنين فيها ودايما ناس كثير يسوون اعراس للرجال فيها
واما الخيمه قلت بدور خيمه حلوه للحريم وعقب بقوله لان ما يعرف شي
ابي خيمه حريم بسعر 30الف او 35 او 40 الف مع طاولات وكراسي حلوه واناره واضواء حلوه
ومع خدمه فندقيه
فارجوكم ساعدوني لاني ماعرف شي وعمرنا ما سوينا اعراس فخيم بس نسوي فقاعات
عشان اقوله بسرعه قبل لاحد يدخل فالخط من الريال او حد يتفلسف
ابي شي راقي عشان ربعي بيجون
ومابي احس اني ناقصه عن بنات عمي بشي
ابي شي راقي وحلو
طلبتكم ساعدوني
افضل خيمه بديكورها و اضاءتها وطاولاتها وكراسيها حلوه
وخدمتهم الفندقيه ممتازه
بسعر مناسب ب30 او 35 او 40
اترياكم يا حبايب قلبي
عاطر التحـــايا من البقايــا
حبيبتي والله ربي يتمم لج على خير
والله ما عندي فكره في امور خيم الاعراس وهالسوالف
ان شاء الله البنات بيفيدونج
شوفي ملحق جريدة الخليج
في خيم مع نظام فنادق والخدمة خمس نجوم والاسعار وااااايد حلوة
والله يتمم لج ع خير (ان يكونوا فقراء يغنهم الله من فضله )
وإن شاء الله اللي عندها معلومه تفيديج
^_^
مآعندي آي فكره فدييتج .. ،
حبيت أرفعلج الموضووع .. ،
موفقه .. ، ^^
والله ماعندي اي خلفيه عن الخيم بس حبيت ادعيلج الله يوفقج ويتمملج ع خير وان شاء الله بيطلع عرسج احلا عرس وبتستانسين فيه والله ييسرلج الامور ان شاء الله __________^
ان شاء الله البنات بيفيدونج