آخر مشترياتي من Body Shop بالاسعار و الصور

من زمان ما نزلت موضوع مفيد و مصور خخخخخخخ

وايد بنات يحبون يسوون برونزاج سواء طبيعي عالبحر و تحت الشمس ولا في الصالون

و في بنات (مثلي انا) احب احتفظ بلوني الفاتح الطبيعي بدون سمار بس مافي ضرر من برونزاج مؤقت للتغيير. صح؟؟

منو ما تحب التغيير و خصوصا المتزوجات (^^) لازم التجديد و التغيير من فتره لفتره لعيون الريل.

الموووووووهييييم <<<<< يلا خلصينا

سرت بودي شوب من اسبوعين و خذت بودره برونزاج (ليميتد اديشن للصيف) (توني افتكر احط الصور خخخخ)

و حبيت اراويكن عسب تستفيدن:

المستحضر الاول Sun Lustre Bronzer 01

بودرة متوفره بلونين (برونزي رقم 01 و وردي 02)

البرونزي يعطي لون برونزي طبيعي (مب غامج) واااايد حلو اللون و طبيعي. مناسب للبشره الفاتحه و للبشره الحنطاويه بيعطيها رونق حلو.

الوردي يعطي سحنه طبيعيه للويه (مناسب للي بشرتهن فاتحه يخلي شكلج صحي و يعطي رونق)

السعر 145 درهم

و المستحضر الثاني Body & Leg Shine 02

ستيك كريمي فيه حبوب لمعه ذهبيه و يعطي لون خفيف برونزي و ريحته فواكه (حلوه ريحته)

الحلو فيه انه للجسم (حلوووووووو يا متزوجات احم)

تحطينه على ينب الخصر (الجوانب) يخلي شكل الخصر انحف (تمويه…شكلاً بس)

و للسيقان وااااااو حلو وايد. (احلا عن بخاخ السيقان اذا تعرفونه)

هو طبعا للجسم كامل مب بس حق هالمكانين بس اعطيكم أمثله (^_^)

ما يغركم لونه غامج في الصوره بس يوم تحطونه يعطي لمعه برونزيه شفافه و فيه شيمر shimmer ذهبي.

و فيه منه رقم 01 بس لونه ما كان وايد حلو رقم 02 عليه اقبال و يوم شريته كان اخر حبه عندهم في فرع الفستيفال سيتي. (اكيد الحين عندهم ستوك)

سعره 120 درهم

و الفرشاه خذتها ب 75 درهم.

انا احط ال stick الكريمي قبل و ادهن جسمي و بعدين احط البودره فوقه و يطلع روعه.

جربوه و ادعولي (^^)

(ماتلاحظون بودي شوب استوا غالي؟؟ يا زين ايام اول اسير ب 500 و اطلع ب 10 اشيا )

بنات ادعولي الله يوفقني في حياتي الزوجيه و يرزقني الذريه الصالحه (^^)