،، قصة ولادتي بالتفصيل الممل ،،

بخبركم قصه ولادتي من طق طق للسلام عليكم … خخخخ

الله يسلمكم انا عديت التاسع وفوقهم يومين بس خخخخخ … وانا باخر التاسع الكل يقولي ماربيتي … وماربيتي … انتي ناقه ولا فيل هههههههههههههههه وهذه غلطتي ليش خبرتهم تاريخ الولاده .. يعني الحامل لاتخبر حد احسن لها …

المهم قبل تاريخ الموعد بيوم سرت المستشفي قالت لي الدكتوره اونه انتي معديه التاسع والحين انتي بالاسبوع الثاني &_& زياده اونه . اقولهالا دكتوره حسابج غلط خخخخخخخ … لانها حسبت لي من اخر يوم دوره بس العياده حسبولي عالسونار يعني حجم النونو وحسابهم هم صح …

المهم

وصفت لي زيت الخروع وقالت لي اذا هالاسبوع ماربيتي تعالي الطواري خلاص @_@ انا هني مت من الزيغه … ورحت البيت .. وخبرتهم جي جي السالفه قالوا لي لاتروحين هاي ماتعرف تحسب وهاي علي كيفها خخخخخخ المهم انا قلت بعد جي ما بطب المستشفي الا وانا احس بالام

المهم تميت امشي وامشي ماشي فايده …

لين قبل ما اربي بيوم خخخخ قلت لريلي الا اربي اليوم … بربي يعني بربي ههههههههههه .. قالي مصره انتي يعني ..

شو سويت اول شي غيرت نعالي هههههههههههه علشان امشي وايد ..

ورحت الصيدليه شريت خروع … وبسم الله توكلنا انا وريلي رحنا عالبحر وهاي اول مره امشي هناك لاني دوم امشي عالكورنيش ..

وتميت امشي خمس دقايق واتعب ههههههههههه عيوز وارد للسياره وهاي 5 دقايق .. وارجع للسياره واريح شوي وريلي يحسب لي الوقت خخخخ

المهم يمكن نص ساعه خلاص ماقدرت اكمل … ركبت السياره ريلي يسالني انرد البيت اقوله لا بروح الكورنيش … يقولي توج تعبانه قلت له لا عادي لين ما اوصل بكون ريحت وبمشي عادي … يعني مصره الا اربي اليوم خخخخخخخخخخ

المهم رحنا خذنا ماي خخخخ عطشانه .. ووصلنا الكورنيش وتميت امشي يمكن نص ساعه وبس تعبت … وانا دوم اروح امشي وريلي يحسب لي ولا مره عديت الساعه هههههههههههههههه

المهم قالي انرد البيت خلاص قلت له لا المحطه الاخيره عصير برتقال وعقب انرد البيت …

ويوم وصلت البيت كانت الساعه تقريبا .. 12 .. يبت زيت الخروع وصبيت قفشتين بالعصير وحاولت اشربه وعععععع طببعا الزيت كله فوق العصير لان ما ينخلط ويه العصير وانا اشرب العصير من تحت لان مافي زيت ههههههههههههههه واخر شي حاولت اشرب الزيت وعععععع اررف طعمه

المهم نمت اانا لين الساعه تقريبا 3 الفير واذا بي احس بانفجار ببطني ههههههههههههه سرت الحمام وانتوا بكرامه وفجرت ورديت حطيت راسي خمس دقايق والا انفجار ثاني هههههههه سرت ركظ .. والحمدلله عدت السالفه شورديت ارقد عاد هالمره خليت ليت الحمام شغال والباب مفتوح عسب اذا ياني انفجار علي طول ادش هههههه المره الثالثه حسيت ببطني قلت انفجار بس هالمره نزل لي الماي … وانا بعدني ما نزلت من عالكرفايه

بس انا طمه… عبالي سويتها عملابسي .. قلت فخاطري لهالدرجه ماقدرت ايود عمري انا … وسرت الحمام وانتوا بكرامه وخلاص الانفجار خلص وبدينا مرحله يديده …

كنت احس بنغزات وويع خفيف يعني كنت اقدر اتحمل … بس ما كنت اعرف ان ها علامات الاولاده عبالي من الخروع … تميت يمكن للساعه 4 الفير … افكر وافكر اتصل فمرة اخوي اسالها اوعي عمتي واسالها … واقول لا لا حرام رقود …اخر شي اتصلت فحرمه اخوي مسكينه .. وعيتها من رقادها وطيرته من عينها .. اسالها .. اتقول ما اعرف اخاف اقولج روحي ويلعوزوج واخاف اقولج تمي واتربي بالبيت .. واحنا علي هالحال هههههههههههه روحي ولا تروحي … وهي عندها 4 عيال هههههههه لين جريب الساعه 5 … قلت لها بروح الحمام وانتوا بكرامه بشوف اذا نزل ماي بروح المستشفي …ورحت الحمام وانتوا بكرامه ونزل ماي شوي اكثر وانا طيراااااااان اتصلت فيها بس ماردت … قلت يمكن راحت اتغسل ويهها مسكينه توها ناشه هههههههه … وعقب رحت اوعي ريلي فلان قوم قوم علي طول نش … عباله موعتنه للدوام ههههه قلت له بربي .. قالي تعبانه قلت لا عادي بس لماي نزل المهم هو مافهم شو ماي وما ماي ههه قال لي اتجهزي بسررعه ورديت اتصل بحرمه اخوي وهو ينازعني اتجهزي بعدين يلسي سولفي ههههههه ومريت علي حرمة اخوي ورحت المستشفي وبدت المرحله اليديده … برب

التكمله بالصفحه 3 – 4