السلام عليكم ورحمة الله وبركاته
شحالكن خوااتي الكريمات
بطرح لكم مشكلة وحده من اربيعاتي المقربات جدا لي
تقول لما امس كانت سايره بيت اهلها في طريجهم … طلبت من ريلها انها تبغي تسحب فلوس من رصيدها
وزوجها يعرف رقمها السري لرصيدها وسحب لها 2024 درهم مع ان اربيعتيه طلبت منه 1500
وهي في بيت اهلها يطرش لها مسجات حب ,, وطبعا مب من طبع ريلها يسوي هالحركة
هي نغزها فوادها وشكت …وربي الهمها انها تتصل على الرقم المجاني للبنك وتسال عن رصيدها
لقت ريلها سااحب 7000 درهم من رصيدها ولا مخبرها …
ويوم اتصلت له وكانت هاديه …قالت له فلان كم سحبت من رصيدي قال لها بعدين بخبرج !
قلت وصلني انك ساحب 7000 …ليش ؟ ولمنو ؟ ولا استذنت منيه ؟
قال حطيتهم لج في خزنة البيت …قالت حبيبي ممكن تردهن لاني ادري بطبعي لو ادري ان عندي فلوس في البيت بسحبهم وبلعب بهم …ممكن تردهم لي في البنك
وقال ان شااء الله …وشوي الا هو مطرش لها رساله فديتج لا تفهيني غلط وبرد فلوسج في البنك
وهي طرشت له ( حبيبي دق علي اذا وصلت الصرافه عشان اعطيك رقم حسابي ..واذا انت محتاج شي من الفلوس خذ منهن واذا نقصت فالك طيب بزيادة ..وعسى خيرنا كثير بس حبيبي انا ابغيك تردهن لاني ادري اني مبذره وبقعد اصرفهن خلهن في البنك يوم نحتاج بسحب من رصيدي )
مع العلم زوجها من خذها …يحاسبها على راتبها ويسالها وين تدوين راتبج وفلوسج وليش تعطين فلانه ؟ وليش تصرفين هالكثر ؟؟@@ وهو مب مقصر فيها اذا احتاجت لشي
ابغي منكن رايكم في تصرف اربيعتي ؟
واذا كنتن عاملات …هل ريلج يعرف رقمج السري للرصيدج؟ وهل تسمحين له انه يسحب لج ؟
وهل يدري ريلج بكل درهم وين تصرفينها وتخبرينه ؟
وبشوو تنصحن اربيعتي ؟
وعطونا خبراتكم يزاكم الله خير
الله المستعاان 00 حبيبتي مب من حقه يسحب من رصيدهاا ولا درهم
خل تسأله لو هي سااحبه من رصيده بيطوف لهاا هالحركه !! ومن غير ماا يعرف !!
الاحسن انهاا تغير رقمهاا السري 00 صحيح انه زوجهاا والزواج مشااركه لكن هالزمن يخوف ^^
الله يهدي النفوس ويسعدهاا عنووني
احس هالشيء شخصي
والمفروض مايعرف الرقم واذا كان محتاي بيزات يخبرها
لانه هي اكيد مابتقصر وياه
مادري شو اقولج
بس اذا هو ما كان مقصر معاها مثل ما تقولين..لا تكبر الموضوع معاه اكثر وخلها تسكت عن السالفه احتراما انه ريلها وما قصر معاها..وشي طبيعي الريل يتم يسال عن الفلوس ووين راحن وجيه..
بس اممممم خلها تغير الرقم السري بدون ما تخبره حفاظا على مشاعره عشان ما تسوي حساسيه بينهم وما ينجرح منها ..
والله يوفق الجميع
اختي احس انه نهائيا ماله حق يتصرف بالبيزات او حتى يعرف الرقم السري لها
احسن لها تغير الرقم السري …
المشاركة الأصلية كتبت بواسطة تعب حالۓ 
بس اذا هو ما كان مقصر معاها مثل ما تقولين..لا تكبر الموضوع معاه اكثر وخلها تسكت عن السالفه احتراما انه ريلها وما قصر معاها..وشي طبيعي الريل يتم يسال عن الفلوس ووين راحن وجيه..
بس اممممم خلها تغير الرقم السري بدون ما تخبره حفاظا على مشاعره عشان ما تسوي حساسيه بينهم وما ينجرح منها ..
والله يوفق الجميع
نفس الراي
أنا ما راح أتكلم عنها
أنا اشتغل وريلي ما يعرف باسووردي ولا يسأل كم سحبت وكم صرفت ولا بعمري عطيته يسحب لي
مب عدم ثقه لا طبعاً البيزات لي ولعيالي وله بعد ويفدنهم والله الا بيزات بس هذي خصوصيات
ومب لازم يعرف كم عندي وكم صرفت
بالعكس المفروض والواجب يصرف عليه وهذا اللي يصير معايه
خل ترمسه بأسلوب هااادي لان السالفه ما تسوى ويمكن هو احتاج بس المفروض يخبرها
وأكبر دليل ان لما سألته قال سحبتهم عشانج أكيد استحى يقولها محتاي أو ما شابه
خليها ترمسه وتقوله بس تبا تعرف الأسباب
وموفجين