هل ها لين عظام ولا شي ثاني بليز طمنوني واللي يرحم والديكم :12 :

السلام عليكم خواتي العزيزات ابدخل فالموضوع بسرعه من غير اي مقدمات او شي وانا عارفه ومتاكده انكم مابتقصرون و بتفيدوني جزاكم الله خير
مشكلتي مع ولدي رجوله انا كنت موملاحظه هالشي فيه بس الحين يوم كبر شوي صار عمره سنة و3 شهور الناس كلها بدت تلاحظ وانا بعد اشوفه ريوله جايه مقوسه شوي مو شوي شوي يعني تلاحظين فيه التقوس فمادري بعضهم يقولولي وديه المستشفى شوفي شو فيه فريوله وبعضهم يوقلولي عرضيه للشمس انا صراحه ماعرضته للشمس مول شوسوي لانه فالليل ينام متاخر فالصبح يكون نايم فمالحق اعرضه للشمس
فمادري هل هدا التقوس بسبت نقص في تعريضه للشمس ولا شي ثاني طيب
ومتى اعرضه للشمس يقولون الصبح زين و بعد العصر هم اوكيه هل هدا صح وادا كان وقت الصبح او العصر يعني ساعه كم تقريبا اعرضه للشمس مع انكم تعرفون كيف جو الخليج الشمس تحرق مووووت فبشو تنصحوني خواتي هل ريوله جي بسبت اني ماعرضه للشمس ولا اوديه المستشفى
فدخيلكم قولولي شو الحل

نحن بنت اخويه عندها تقوس… وكل ما تكبر يتلاحظ اكثر…… بس هم ودوها لندن…وقال لهم الدكتور لازم علاج طبيعي ولازم ماتنام على بطنها ولازم ماتقعد قعدة البطه عرفتها لازم تتربع… بس وقال لهم اذا كبرت وزاد التقوس لازم عمليه… والله يشفيها ويشفي ولدج..

انا اقولج وديه عند دكتور عظام لانه يفهم اكثر منا..

الغاليه لازم تعرضينه على دكتور دام انه صغير وبسرعه انتبهتي له

الغاليه انا كنت اعاني مع بنتي عسب كنت ساكنه في شقه وبنتي مثل ولدج رقادها كلش غلط .. بس وديتها عند دكتور في مستشفي الزهرا اسمه امير خان .. اول شي نازعني .. وبعدين سوي لها تحاليل طلع عندها الكالسيوم مرتفع عن المعدل الطبيعي يعني عندها زياده ومب مستفيده منه ومتركز في العظام .. قام وعطاني لها فيتامين د لليهال وبعدين قال لازم اخليها في الشمس الصبح او الساعه 5 العصر والحمدلله الحين وايد احسن قامت تاكل وتلعب والحين ماشاءالله عمرها اربع سنوات الله يحفظها .. فانا انصحج انج اتروحين له لاني ماخليت حد وماسرتله وفادني شراته .. واي شي انا في الخدمه

عادي وديه اعند دكتور اطفال ممتاز وخليه يسوي له فحص دم .. ويشوف شو ناقصنه ..
اكيد اكيد بيعطيه فيتامين د .. واذا في اشياء ثانيه ناقصه بيعطيه بعد .. بس لا تهملينه .. وسوي له مساج كانج تبين تعدلين ريوله للوضع الطبيعي.. بس تحملي لا تعوريننه شوي شوي ..
بنتي كانت نفس الشي بس مع العلاج والمساج الحمدلله ردت ريولها طبيعيه

الغاليه لازم تعرضينه على دكتور

ام فطومه الغاليه ابا اخدله موعد في مستشفى الزهراء كيف الطريقه وايام الدوام كيف