عزيزاتي
السلام عليكم ومسا الخير ..
امس في الدوام استوا موقف ضايقني + أنا أصلا مضغوطة جسديا ونفسيا أحس لو حد شق قلبي بينصدم ضغط الشغل وأنا يبت حق نفسي ضغط زيادة رجعت ادرس والدراسة متعبه ..
موضوعي عن الموقف الي استوا لي امس آخر الدوام اجتمعنا الحريم والبنات ع أساس نحط جداول والخ ..
ليست وياها فجاه وحده تمت تتكلم وترفع صوتها تعترض ع شي تافه جداً يخص شغلي أنا … جدام الكل .. احترام لفرق السن ما رديت عليها .. بس حز بخاطري وااااايد أنا وحده ما احب ادخل في شغل غيري .. ولا احب حد يرفع صوته ويقصدني في الكلام جدام الكل .. مع انه السالفة ما تستأهل ..
كلوني بقشوري .. سامحتها وحطيت لها عذر واليوم عادي بس ما أروم أحط عيني بعينها وخايفه أتعرض لنفس الشي حزتها انفجر وأنا يوم انفجر أجرح .. حتا اليوم وحده عادت نفس السالفة جان تقولها وحده ثانيه بس خلاص الموضوع انتها وكل وحده تعرف شغلها كلتو البنت بقشورها يعني وحده حست أني تضايقت وكنت بوصل الموضوع للإدارة
الله يعيينج يارب على ضغط الششغل والدراسة ويسهل عليج
نصيحتي لج لا تسكتين على حد ، اللي يقول كلمة رديها عشر ، هالزمن اللي يسكت مايعيش !
لا تخافين الا من اللي خلقج ، غيره ردي واعتبريهم كائنات بشريه تافهه ماتخوف
جان تقولها وحده ثانيه بس خلاص الموضوع انتها وكل وحده تعرف شغلها كلتو البنت بقشورها
ليش ترد عنج ؟؟ ، اذا هي ما احترمتج انتي ليش تحترمينها وتسكتين عنها ؟؟
اختي مااعرف مثل ماقالت الاخت انتل يو الواحد مايسكت عن حقه
كان لازم تقولين لها ليش تتكلمين بهذا الاسلوب مافي داعي تصارخين
ناقشيني عادي
انا اعرف انك محترمه وتسكتين بس هي تتهجم عليكي يعني بيصير عندها عادي
وانتي سمحتي بهذا الشي يعني انتي اشتركتي معاها بالجريمه!
شوفي موضيعي كيف اللوم نفسي لاني كنت ساكته وكم وحده عااااااديات استهبلني!
لا تسكتين خذي حقك بس حاوري واجرحيها هي مب ربيعه بس زميله في العمل
والعمر ماله خص اختي هي مفروض تكون كبيره تحترم الصغير وتعرف تتكلم مب انتي!
ما ينفع، اذا تكلموا عنج وجدامج ردي عليهم، اما اذا
سمعتي رمسه هني الصمت بينفع . .
اذا انتي مب غلطانه والحق وياج قوليلها انا شغليه وادرى فيه ولاتدخلين عندج شي ترومين توصلينه للي اعلى عنيه وطنشيها
بس انها تتمادى وتعلي صوتها ترا انتي مب اصغر عيالها وحتى لو فرق العمر المفروض تحترمج
اذا نحن يهال مانحب نرفع صوتنا عليهم جدام العيال الثانين خوفا انه نجرحهم او نحرجهم فما بالج انتي حرمه وكبيره عاقله؟
خواتي انا بطبعي عادي ارد وما اسكت عن حقي ..
لكن الموقف الي حصل صدمني فجأه ما توقعت احصل هجوم بهل الطريقه من وحده انا عاذرتنها لكن بعد شرات ما انا اعذرهم بعد هم لازم يعذروني حسيت انهم هم بس الي يتعبون انا اصلا طول فتره الاجتماع يالسه ما اقدر ابلع ريجي من التعب …ما قدرت ارد لانه ما توقعت ترفع صوتها جدام الكل بهل الطريقه عسب موضوع والله تاافهه ..المهم نفس هل الانسانه قامت تسلم عليه وتتهرب يعني ما ترمسني مثل قبل ( هي حاسه بغلطها ) وانا ما كبرت الموضوع صح حز بخاطري بس فتحت الموضوع جدام مسؤولتي وما ذكرت اسمها لاني احترمها من باب انه في حاله تكرر الموضوع ( رفع الصوت ) انا ما بسكت حزتها ..
ما اقولكم هي غلطانه في حقي بس بعد انا ما اقدر اعاملها بمثل تربيتي ما تسمح لي ارفع صوتي انا مجرد اعق كلمه تجرح هااي ممكن ادمر علاقتي باي شخص ولا تخيلو ارد عليها جدام الكل …بطلع انا ( البنت الي ما ربتها امها ) ..قلت اسكت وامسك عمري …
اختي هي يمكن بس ماتعرف تتكلم !
في ناس اختي مايعرفون يتكلمون!
ردت فعلهم تكون قويه على اتفه الاسباب
عشان مب متعودين يناقشون يتحاورون مع الاخر او من كثر الكبت
عذريها يمكن ماتعيدها هي اصل متفشله من الناس اكيد صحيت
وهذا معناه انها طيبه بس يمكن فلتت تصير عند احسن الناس
مرات الواحد يخرج عن طوره من دوم سبب!بس
هي لو طبعها دوم جي مع الكل بقول هي قليلة ادب
بس اذا هي اول مره خلاص يمكن كانت مضايقه من شي وحطته فيكي