خواتي انا حامل في الشهر السادس عن طريق طفل الانابيب
وبعدي مافتحت ملف في الكرنيش ابغي افتح ملف بس خايفه من نضام المستشفى ان مايكون عندهم سريه في الموضوع
لان ماحد يعرف من هلي او هل ريلي ماعرف والله شو رايكن خواتي ساعدوني الي عندها خبره عن المستشفى تفيدني
مرات اقول اسير المستشفى وفتح ملف وقول حمل طبيعي بس اخاف ان الي تحمل بواسطة المنشطات يكون لها علاجات او ادويه غير عن الي تحمل طبيعي
والله محتاره
الي يختلف طريقة الحمل اما بعد الحمل كلنا متشابهينن..
ان شالله يفيدنج البنات اكثر..
انا فتحت ملف فالنور اليديد
للرفع
عادى الغالية انا اول حمل كنت اطفال انابيب ومحد كان يدرى وخبريتهم انه طبيعى بس من رايى تخبرينهم افضل وربى ييسر علينا جميعا
الغالية توكلي على الله وروحي افتحي في الكورنيش انتي الحين في السادس وما باقى شى على ولادتج والكورنيش مواعيدهم بعيدة يعني عادي يعوطنج موعد في الثامن ..
وبخصوص السرية .. خبرى الدكتورة واطلبي منها ما تسجل في ملفج وانج تفضلين السرية في هالموضوع..
ان شاء الله محد يعرف وتعدي امورج على خير وتقومين بالسلامة …
كيف ما يكون عندهم سريه
هذا مستشفى لازم يكون عندهم سريه في هالمواضيع بعدين عزيزتي فالمراجعات روحي بروحج او مع ريلج مب لازم حد يي
ومثل ما قالت الي قبلي قولي للدكتوره يكون بينج وبينها لان فيه احراج لج
وبما انج مب حمل طبيعي اكيد هم بيعطوج كل مواعيدج عند نفس الدكتوره ما بدشين على اكثر من وحده يعني ما بيحوطونج…
والله يثبته لج يارب وتفرحين به ان شاء الله بس نصيحه لا تمين تفكرين وتحاتين الأهم انج حامل الحمد لله ولو حد درى بكيفهم
مافيه شي حمل لاانابيب الحمدلله ..
هلا حبيبتي عذاري
ما أتوقع ان له علاقه انج اتقولين انج حامل بالمنشطات متابعه الحمل متشابهه بالحمل الطبيعي والحمل بالأنابيب
الله يقومج بالسلامه وتفرحين بشوفتهم