طبعا الكل شهريا يسأل نفسه هالسؤال وخصوصا المتاخرات عن الحمل ..
ف كل وحده مجربه الفحص بالدم ولا البول اتقول قبل الدوره ولا بعدها سوته وبكم يوم ؟؟
وكل وحده اتقول شو الاعراض اللي حست فيها وطلعت حامل
أول شي الدوره مايته سويت تحليل عقبها بيوم طلع مافي حمل بعد أسبوع سويت ماكو حمل
بس كنت أحس أني واايد أروح الحمام
والصبح أول ما أقوم دوخه
وألم أسفل البطن وعقبها خذيت جهاز وطلعت حامل
بس بقول شي عن الاجهزه في جهاز واااايد زين من الصيدليه سعره 45نصيحه هذا الجهز من أول يوم ماتي الدوره يطلع النتيجه الصح أما بو عشرين مب شي
حسيت بدوخه يوم امشي وااايد
وتأخرت علي الدوره مدة اسبووع ففحصت فالبيت وشفت اني حاامل
والله يزاج الله خير انا كنت بسأل بهالخصوص وأنا وايد خايفة من قريب تزوجت ومابي احمل لأسباب نفسية وصحية وفي شي صار وخايفة لا أكون حامل لي عندها خبرة ممكن تراسلني ع الخاص عشان اقول لها مشكلتي
مرحبا اختي
انا تأخرت الدورة عن موعدها 7 ايام رحت وسويت فحص دم طلعت حامل
والله يحقق أمنيت كل محرومه يارب
من خلاصه تجربتي
انا ما اايد الاعراض و ان الوحده تسئل عن الاعراض
اولا لان كل وحده تختلف اعراضها عن الثانيه
و بعد الدوره و الحمل لهم نفس الاعراض بالضبط
و بعد في عوامل ممكن تخلي الاعراض تتغير على الوحده …يعني اذا كانت تاخذ نوع من الحبوب او العلاجات ممكن تسبب لها اعراض زياده مب متعوده عليها فتظن انه حمل
و بعد النفسيه تلعب دور كبييييييييييييييير ….يعني اذا الوحده تفكر في الحمل و تحاول في كل شهر …تتاثر نفسيتها …و بالتالي تقوم تطلع لها اعراض ما كانت اتيها من قبل …مثل ممكن اتيها دوخه ممكن اتيلها لوعه ..و تظن انه وحام …مع ان الوحام ما يبدا لين بعد شهرين او 3 من الحمل ..ممكن يستوي عنها الم في الظهر و قبل ما كان يستوي او في الصدر او او او الخ …يعني من التفكير تقوم تظهر عليها اعراض يديده
فاحسن شي في نظري …اذا الوحده ما تاخذ اي نوع من الادويه تقدر تسوي تحليل المنزلي يوم تتاخر الدوره
لكن اذا كانت تاخذ اي نوع من الادويه او العلاجات …الاحسن تسوي تحليل دم بعد تاخر الدوره ….لان في بعض الادويه تاثر على تحليل البول(( كرمكم الله )) و تخليه موجب و هو اصلا ما يكون فيه حمل
أنا قبل ما اتيني الدوره بأربع أيام تقريبا كنت اسوي تحليل منزلي وكله يطلعلي سلبي .. وبعد موعد الدوره تميت اسوي الفحص كله يطلعلي سلبي 6 ايام مابان الحمل عندي وعقب اسبوع من تأخرت الدوره علي سويت فحص دم وطلع فيه حمل .. وأنا عشان ابرد حرتي اشتريت 3 اجهزة تحليل البول عزكم الله هههههه وكله طلع مووجب .. أخيرا .. ولا ريلي صور الجهااز وصورني وانا بعد ماسكه الجهاز بعد ولين الحين محتفظة فالصور ..
ويارب يرزق كل وحده تتمنى الحمل