مرحبا خواتي الغاليات شخباركم؟؟
بما اني كويتيه وزوجي مواطني وعايشه اهنيه حبيت اسوي هالمشروع الحلو بس اتمنى منكم مساعدتي ورياكم فيه اذا بيمشي والا لا
ابصراحه احنا عندنا فالكويت فساتين تجنن واسعار تجنن وانا حابه اشتري وابعيهم اهنيه بس هااااااااا لاتخافون فايدتي راح تكون فيه بسيطه جدا وعندهم موديلات والله اتخبل وانتو اتعرفون الموضه فالكويت روووعه واول بأول
راح اقولكم شي محد يعرفه شرايكم ان فستان عرسي سويته بالكويت الموديل الللي انا اخترته وسوولي نفسه بالضبط طلع كم؟؟؟؟؟؟ 290 دينار مايقارب 3000 درهم واللي شافوا وااايد عجبهم وحطوله مبالغ كبيره ولما رحت محل حق تصميم في دبي وقلتلهم ابي نفس هذا الموديل اقسما بالله وعيالي اقل محل عطاني ب 0الف درهم تخيلوا.
الحين قولولي ولاتقصرون شرايكم بمشروعي؟
الله يسامحكم ست زيارات ولا مشاركه
موفقه الغالية
الله يوفقج
بس ادرسي المشروع عدل قبل ما تبدئين فيه ولا تصيرين شراتي…….تسرعت في مشروع من مشاريعي …والله اني ندمت
ادرسي من حيث الدزاينات…الاسعار….المقاسات……..المكان ….السوق وغيره
السلام عليكم "أسمج يخوف" ههههه
أختي الله يوفقج في المشروع.. من رايي فكره حلوه لو تشمل الفساتيين العادية و فساتين الأفراح..
بس مثل ما قالت الأخت لازم تسوين دراسة جدوى.. و استخيري و الله وياج 
ويرزقج ووفقج على قد نيتج
فعلا اول شي ادرسي الموضوع عدل وحددي المكان الانسب للمشروع…….. بعد افضل يكون فساتين عادية وفساتين افراح وفساتين للبنات الصغار