منو منكم اتصلوا فيها من عياده الاخصاب وخبروها هذا الخبر وانه لازم تسير هي وريلها توقع على الاوراق انه عندكم علم باتلاف الاجنه؟
الموضوع صعب على اللي مايقدر يسوي سحب بويضات
وانا كنت حاطه امل اني بعد ماربي بالسلامه ارجع الاجنه اللي في توام وايد متعلقه فيهم جزء مني
بس اللي رمستني قالت اني اقدر اشلهم واوديهم اي مركز ثاني بس وين اوديهم وكيف وكم تكلفه النقل
مابى يتلفونهم صح تنهم بس اثنين بس غالين علي الله يعلم بعد هالعمليه اللي سويتها في توام شو صار يني وكنت كاتبه قصتي من قبل في المنتدى تميت سنتين اتعالج من مستشفى لين مستشفى لين وصلت تايلند وهناك اكتشفوا انه بسبت السحب انفجر كيس على المبيض وسببلي تلف والتهاب وتبهدلت واستاصلو المبيض لانه تعفن
عطوني حل شو اسوي بس عندي هالاسبوع على قولتهم نهايه السنه بيتلفونهم
ماعندي فكره بس ليش يتلفونهم انتي سويتي قبل قرار منع تجميد الاجنه 
ليش جي والله حرام خصوصا ف وضعج كلميهم وقوليلهم وضعي غير وبهدلتوني واباهم هالاجنه وربي يكتبلج اللي فيه الخير 
اليوم اتصلوا فيني بس والقرار بيتنفذ على قولتهم اخر السنه يعني معطيني مهله اسبوع بس شو اسوي كيف ادبر اموري وانا من الشارجه لازم اروح العين وانا حاليا في الشهر السادس وربي يتمم علي بالخير بعد ما اجهضت 3 مرات وهالخبر خربلي مزاجي وعكرلي نفسيتي مخي مشوش بصراحه
لا يخرب مزاجج ولا يغير نفسيتج الغالية اهم شى صحتج الحين وسلامة اللى ببطنج سيرلهم واذا ما تقدرين خلى ريلج يسيرلهم ويتفاهم معاهم وياخذ معاه كل الاوراق الطبيه اللى تثبت حالتج الصحية وخلى يصبرون عليج واذا ماشى فايده وياهم اسالوهم كيف ننقلهم ووين نوديهم وجيه يعنى استفهموا منهم عن كل شى وربى يكتبلج اللى فيه الخير اختى
لاحول ولا قوه الا بالله لا تخليهم يتلفونه وشليه عنهم وحطيه في مستشفي ثانيه
للرفع
جد الأخوات يتعبون والقرارات ما ترحم ربي يفرج همج وتلاقين حل