بنات بغيت منكن مساعده بسيطة
ما أريد أسوي مسكتي مالت العرس باقة عادية
لأني أريدها أتم معاي دايما (يعني مب ورد طبيعي )
وخاطري أنها ماتكون ورد …خاطري أنها تكون تشكيلة حلوه
بس مب عارفه شو أختار؟؟
وإذا تعرفن مكان ممكن أروحه بس يكون في بوظبي؟؟
ياليت إذا تساعدني في هالموضوع
ان شالله العضوات يساعدونج ..لاني انا خاطريه بجي بعد شي غريب وحلوو..
احس العروس حلاتهاا بمسكه الورود .. واذا ع التميز ترومين تتميزين بهاا اذا سويتي شي يديد ودخلتي حركات .. اللي يحطن كرستال واللي شرايط حرير وحركات واايد .. واذكر عرووس صدق كانت مميزه ماكانت شاله مسكه .. كانت ماسكه ورده وحده بس عودها طويييييل ومزين بكرستال .. شوو كانت رااقيه ومميزه ..
بعدين اذا سويتي شي مب ورود طبيعيه صح بيتم عندج فتره طويييييييله بس ليتر يوم بتشوفينه بتحسينه قديييييييم
مادري احساس
^.^
وايد ارمس ..
بالتوفيق ختيه .. وان شاء الله تحصلين اللي ف بالج
مشكورات خواتي
أنزين حد يعطيني أفكار لأني أريد يكون شي مميز ينذكر بعد العرس
تقدريــن تسوين اشياااء ثاانيــه تنذكر عقب العرس غير المسكــه ،،
لأنه المسكـه مايخصـــــــــها ،،
ولو تبين المسكه اتم معااج تقدرين تشترين لج مسكه كرستاااال وتنزلين فيهــا ،،
بس انا من راي الخواات ،، اشوف العرووس حلاتها بمسكــه من الووورد ،، حتى لو كانت كلها كرستالات ،، بس بعد اضااافة لمسة من الورد يعطيج هيبة اكثـــــــــــــــــــر ،،
وعن التميز ف العرس ممممممممممممم
تقدرين تسوين حركة قبل ماتدخلين القاعه ،،
او تسوين توزيعات معينه ،،
يعني لاتحصرين التميز ف المسكه ^_^ ،،
والسموووحه
أوافق الأخوا الرأئ مسكات الكرستال بالورد الطبيعي مميزة و تبقى بعد العرس 
وحدة من ربيعاتي نصحتني اني اسير محل داماس في الشارجة مكانه عالبحيرة .. قالت لي ان مسكاااته رووعة .. وانا اثق برااايها .. بس للحين ما سرت ..
انا لما افكر في مسكتي .. اقول بسويها كرستال او ورد صناعي عشان تتم .. بس عقب اغير رايي .. واحس الورد الطبيعي يعطي لمسة عجيييييبه ..
فورد طبيعي وياا حركة غريبة ممكن يووفون بالغرض ..
بس عادة الناس ينسوون المسكة .. وما تركز غرابتها في بالهم .. مثل الفستان او الزفة او الكووووشة .. انا راايي تركزين على هاي الاشيا عشان توصلين للتميز اللي خاطرج فييه ..
الله يوفقج ويسعدج ..