السلام عليكم ورحمه الله وبركاته ..
بنات حد جرب يروح مركز VLCC
يكسرون الدهون ويسوون مساج .. شو فعاليه المركز وهل احد استفاد
هم يضمنون اننا ننزل 5 كيلو فالشهر .. حد جرب … يا ليتني اشوف تجارب حقيقيه …
تحياتي ..
رَبَّنَا اغْفِرْ لِي وَلِوَالِدَيَّ وَلِلْمُؤْمِنِينَ يَوْمَ يَقُومُ الْحِسَابُ
عسول انا صاحبتي عندهم كتير خست بالمقاسات وكمان نزلت 3 كيلو بس بصراحة هي برضه كانت تمشي يوميا ومحافظة على اكلها مو تاركيتها هيك لانو الدهون اللي بتتكسر ما حتطلع من الجسم من دون حركة واتمنالك التوفيق
انا سرت عندهم لكن لموضوع البشره
و خذو ٢٥٠٠ وما تحسنت بشرتي
اما التخسيس عمومتاً يفيد
حميتي سوت عندهم و نحتولها الخصر و خفت كروشتها
نصيحه سيري حزت مايكون مسوين خصم ٥٠%
انا ترجوني كذا مره وقالو بيعطوني بسعر الخصم متى ما ابي .. لاني سويت لهم دعايه بين اهلي …
بس المشكله محد واظب وسار ..
وكنت ابي اعرف هالجهاز عادي لو انا حامل ولا مب زين ياثر عالحمل .. ^_^ ..
والله ما اعرف شو اسوي ابي اضعف …
up up up up up
أنا سرت قالت لي بنسوي ب ١١٠٠٠خيبه عقب قالت بنقصج تمت تنقص شوي شوي وصلته ست آلاف بس قلبي نغزني قالت انه نحط مواااد مثل الجبس تكون لينه تنحط على البطن لين ما تيبس وتشد البطن وينكسر الجبس قلت خيبه قلت لها برد عليج طلعت وعقب اتصلت قالت بنسوي لج ب الف ومئتين بس استخرت وما ارتحت