بنات وأنا رادة من مكة مرينا الرياض..
ورحنا مول عندهم،، كان في محل إسمه Sergent Major
شريت منه لولدي،، والمحل عنده ملابس حلوة،، خصوصا للأولاد..
دخلت السايت مالهم بس كله بالفرنسي.. وأنا ثقافتي ألماني لوووول..
ياليت اللي تعرف إذا كان له فروع في الإمارات تفيدني..ووبن بالضبط؟؟
وهذي صورة لاسم المحل
****************
حبيبتي موجود في أبوظبي مول
حبيبتي ما عندي فكرة لو المحل موجود عندنا ولا لا؟؟ بس هالماركة وانا متأكدة تماما ودوم اخذها من محل في صناعية عجمان اسم المحل موسيم بجنب محل راجو وهالمحل كله يبيع ماركات بس انتي وحظج يعني دوري ع راحتج انا كل ما اسير له الاقي ماركات عالمية منها يايبتلي بنت عمتي من بلجيكا وتخيلي لقيت نفس الماركة عنده.
وفي محل في اوت لت مول دبي ماركة بعد فرنسية و لا اسبانية اسمها mayoral اظن لهم بعد محل في برجمان تصدقين لقيتها عنده . وسيري وما بتندمين لو ما لقيتي سيرجنت ميجور بتلقين ماركات ثانية . وبتدعين لي . بس مثل ما قلتلج دوري ونبشي عدل . وانا ماخذه ووايد من ماركة سيرجنت ميجور قمصاتن وبناطلين جينز وازيدج من الشعر بيت لي صديقة من الرياض تي كل فترة وتخم خم من عنده .
اختي شئ محل في ابوظبي مول تقدرين تروحين له
المشاركة الأصلية كتبت بواسطة umm mryooma 
المشاركة الأصلية كتبت بواسطة aaliyah أشكركم الغاليات..
واو طلع وايد قريب وأنا ما أدري..
تصدقون صار لي أكثر من 5 شهور مب رايحة بوظبي مول مطيحة في المارينا ومول الوحدة..
وأخر مرة رحت دخلت ماك وأوكسجين وبس..
يزاكم الله خير..
المشاركة الأصلية كتبت بواسطة businesswoman وفي محل في اوت لت مول دبي ماركة بعد فرنسية و لا اسبانية اسمها mayoral اظن لهم بعد محل في برجمان تصدقين لقيتها عنده . وسيري وما بتندمين لو ما لقيتي سيرجنت ميجور بتلقين ماركات ثانية . وبتدعين لي . بس مثل ما قلتلج دوري ونبشي عدل . وانا ماخذه ووايد من ماركة سيرجنت ميجور قمصاتن وبناطلين جينز وازيدج من الشعر بيت لي صديقة من الرياض تي كل فترة وتخم خم من عنده .
تسلمين الغلا..
أسمع من وايد بنات ومن بعض ربيعاتي أنهم يشترون من المصانع.. ودايما يتفاجئون بأسامي الماركات..
بس ياختي بعيد علي.. وريلي أكره شي في حياته أقوله ودني الشارجة.. ما يحب الزحمة..وإذا رحت سلام ع الأهل وbaaaack لبوظبي
فصعب علي أروح..
بس إذا صار ورحت بحاول أروح..