جاوبوني؟!
تعبت من كثر مااصبر
اتعلم طبخ محتاجه سنه عشان عجينه بس
انزل وزني لي كم سنه احاول وقاعد يزيد بدل ماينقص
اتعلم اشياء معينه كدراسه وغيره محتاجه شهور وشهور لين ماخلص ويدش مخي!
وبعديييييين
الى متى ؟!
عطي نفسج وقت كافي عشان تتأقلمين بالي بالتسوينه
انتي يالسه فالبيت
طبيعي بتنسين وايد مهارات اذا ما مارستيها دايماً
حطي لج جدول يومي
تسوين فيه اغلب المهارات والهوايات
بساعات معينه
حطي وقت تنشين فيه و تبدين برياضه
عقب تتريقين ريوق صحي
و عقب تبدين تدرسين لج شي مفيد
بعدين تدخلين المنتدى تسولفين شوي
و عقب تشتغلين بالكروشيه
و بعدها سناك تاكلين فاكهه
و بعدها تيلسين مع امج
و يعني تكملين اليوم بطريقه حلوه
انا قبل لا اربي كان عندي روتين مثل جذي
شعاع يااااادبه كيفك
يحليلك انتي والعجائن
مافي شئ يجئ بالساهل ومافي شئ تعرفينه من اول مررره
لو اقلك سوالفي ويا الطبخ تضحكين وخلي المستور مستور خخخخ بس الحين ماشاءالله طابخه
كنت أعاني مرررره يضبط ومره لا ومره ماينوكل ومره ينوكل مؤ بس بالعجائن وبعد بكل شئ بالمطبخ ممكن تجلسين سنه سنتين الين ماتتعلمين زين ومافيها شئ بالعكس يعتبر شئ حلو عشان تعرفين ليش خرب وليش وليش وليش
بالنسبه للطبخ أنصحك تشترين كتاب أطباق النخبة ماشاءالله فادني حلو وسهل وواضح بالصور
بالنسبه للوزن ممكن من التفكير والقلق و و حبيبتي انبسطي وطاف ع كل شئ ماااايعجبك
وبالاخير ترى الحياه طعمها انك تصبرين وتدعين مؤ حلو انه اي شئ يجئ بسرعه
ان شاءالله ربي يرزقنا جنه الفردوس من غير حساب ونستمتع بااااي شئ ببالنا
للرفع
برد عليج برد بسيط
الله خلق السماوات والارض فـ 7 ايام
مع انه قادر انه يقول كن فيكون
فاجزاء من الثانيه
بس عشان بني ادم يتعلم الصبر وهذا رب العالمين
منو نكون نحن البشر نبي الاشياء تخلص بسرعه
جوابي عالعنوان ,,…
عسب تتعلمين معنى "الصبر" =)
لو كل شيء سهل ونحصله علطول جان مالقينا شيء انسويه بهالدنيا وخلاص خلصنا كل اشغالنا !!
ربي يوفقج
مشكورات خواتي
هي المشكله ان في ناس عندهم ماشاء الله قدرات يعني فعلا كل شي بسرعه او بسرعه عاديه يعني متوسطه
انا واللحلزونه واحد!!
المهم ان شاء الله بنصبر