لوكي [ الـأوآنج ] بالصور ^^ ، حياكم

اليوم بحط لكم صور مكياج اورنج خفيييييف و سهل و بسيط سويته لعرس اخت ربيعتي ،،

الصراحه ما روم أحطي اكثر من جيه مكياج في ويههي ها أثقل شي ممكن احطي او اخلي ماكييره تحطه لان ويهي كتكوت شوي و ما يليق عليه المكياج الثجيل .

اول شي صورت لكم الاغراض و معضمها من forever 52 حبيت هالماركه بعد تجربه و التجربه خير برهان ، طبعا ترومون تستبدلونه باللي يناسبكم و السموحه شي وايد اشياء ما صورتها كنت مستعيله و ما قدرت اصورها و صورت اللوك بشكل عام بدون خطوات ^^ بس هووو مررره سهل و اي حد يروم يسوويييه ^^ ،،

مرطب حليب خفيييف من Bepanthen متوفر في الصيدليات – بيس برونز من character – فاونديشن المعصار من 52 – بلشر برتقالي مورد رقمه 16 من 532 – كونسير ويل من 52 – كريم ايلنر من 52 – مسكره جيفنشي الكره المسننه (لتطويل اطراف الرموش) – مسكره من ريميل و تعطي طوول رهيب يديد هالمسكره توها نازله – جحال تركواز من مياجي – روج اورناج من مكياجي – ايشدو من avon – ايشدو برتقالي من مكياجي (نسيت اصوره ) – فراشي .

1- نحطي الفانوديشن .
* و غلط نحطي الفاونديشن على طول لازم اول نغسل ويهنا بالصابون عدل و عقب نمرر ثلجه عشان خلايا بشرتنا تشتد او ماي ورد باااارد .
* ثاني شي نخلط الكريم مرطب ويا البيس و يا الفونديشن و هالطريقه شفتها في التي في لأحمد القبيسي اللي كانو يحطونه في قطر ترومون تشوف مكياجه في يوتيوب و هو المااكيير الاول في العالم العربي و شفت هالطريقه يستخدمنها الماكيرات في الرن وييز في عروض الازياء و الفوتوشوت لانها تخلي البشره صاافيه و حلوه . الكريم مرطب رح يخلي الفاونديشن يدون لفتره اطول و يخلي البشره رطبه و ما تتعب لكثره استعمال الفاونديشن و البيس يملي الفراعات مثل خطوط الرفيعه قي العين و الحفر و الحبوب و رح يخلي الويه طبقه وحده شي ناس يحطون هالمواد طبقه طبقه لين ما تجف بس جيه احسن و اسرع .

2- نوزع الكونسيلر تحت العين و اذا شي وايد سواد نستخدم الاخضر للبشره الفاتحه و البنفسجي للبشره السمرا و الداكنه ها قالت لي خبيره تجميل في محل makeup forever .

3- نثبت المكياج بالبودره اللي تناسبج .

4- نبدا شغل العين وااايد سهل ، خذت اللون البيج من افون ووزعته على العين كله كله و عقب يبت الاورانج حطيته على عظمة العين الكسره من برع بس .

5- رسمت عيني كات اي و حطيت مكرا ريميل على كل رموشي من تحت و فوق و عقب حطيت مسكرا جيفينشي على الاطراف الخارجيه عشان تطول و تعطينا مظهر رموش صناعيه

6- حطيت البلشر و الروج

و هاي النتيجه
.
.
.
.
.
.
.

سمو بالرحمن ^^

و هاي بدون فلاش

و العدسات اللي استخدمتها عدسات بيلا مالت حصة اللوغاني هيه يديده نازلة في المحلات تنباع على90 تروموون تكاسرون الريال تحصلونها على 70 لووووول
ملاحظة : طبعا البرنقالي ترومين تغيرين و تحطينه اي لو و تغيرين لون البلشر و الروج ،

اي انتقادات على الرحب و السعه ^^ ،،