للعيـــــــــــد ,, خبيصــــــــه بالسميد من مطبخـــــــــي

ونقلبه باستمرار ,,
بتلاحظون بعض حبات السميد بدت تشفر ,, و بتشمون ريحته

هنيه سكروا النار و اتركوا الجدر على صوب

ثانيــــــاً :

1-
بنييب : ثلاث ارباع الكاس سكر و نحمره على النار ,,,

وبعد ما بدئ يستوي لونه احمر ,, بنضيف عليه ( 1 كاس ماي + ربع كوب ماي ورد و زعفران + 5 حبات هيل + عود قرفه )

وبنتركة يفور على نار هادية لين مايذوب السكر في الماي

2-

انبتهوا لهالنقطة

بعدها بنبعد الشيرة من النار وبنضيف السميد شوي شوي للشيره وبنحركه
لانه بتحصلون السميد يفوووور في الشيره و يرتفع ,,

بعدها نرجع الجدر للنار و نحرك ,, بتكون الخبيصه وصلت لهالمرحلة

في هالمرحلة نضيف له ربع كوب زيت نباتي و نقلب

ثالثـــاُ

وهي اهم مرحله … مرحلة تقليب الخبيص ع النار

التقليب لازم يكون بشكل مستمر و على نار هادية جدا

( الصراحه كنت قلبه دقيقه و اتركه دقيقتين و ارجع له ,, اهم شي لا يلصق في القاع و لا يحترق ^_* )

يحتاج لوقت تقريبي من 30-40 دقيقه

طبعا مثل ماخبرتكم التقليب مستمر ,, لان في هالمرحلة نبي الماي ينشف ,,, بعد نصف ساعه خذوا مقدار بسيط من الخبيص بيدكم و ضغطوا عليه شوي

ان كان جاف بتحصلونه نشف و دسم
وان كان بعدها يباله ,,, بتحصلونه بعده طري نوعا ما
ضيفوا ربع كوب زيت مره ثانيه للخلطة

قلبوه 10 دقايق بعدها

وخلاص سكرررروه و اتركوه يبرد
وشيلوه حبات الهيل و القرفه من ال خبيص

النتيجه بتكون كالتالي

زينته بالفستق ,,,
وان شاء الله طريقتي عجبتكم

اذا جربتوه و عيبكم لا تنسون تدعون لي بالخير ^_^