هل تتقبلين تتزوجين شخص اصغر منج بـــــــــــــــــ 7 سنوات
ما يعرف عنج شي لمجرد انه سمع عنج وبغاج للزواج
وانتي ما ترفضينه اكثر من مره وهو مصر يرتبط فيج شو بتسوين
يالله كل وحده تحط نفسها بهالموقف وتقول رايها بصراحه
انا الصراحه ارفض فكره انو زوجي يكون اصغر مني
لازم يكون اكبر
انا زوجي اكبر عني بخمس سنين
مممممممممممممممم
لو يحبني عااادي بوافق بعد الاستخاره طبعا…ويمكن نصيبي هااا الشخص
والله يوفقك الجميع..
مرات الواحد يكون صغير في العمر .. بس عقله يوزن بلد .. ريال وشال عمره
بس اذا هو صغير وعقله صغير لا ماباه ..
واهم شي الاخلاق والصلاة
وما خآب من استخار
صح العمر مب معيار للعقل لكن الحرمة تنضج أسرع عن الريال عشان جيه كل ما كان اكبر عنها يكون التوافق أكثر بينهم ..
يعني بوضحلج اكثر لو انتي عمرج 23 مثلاً وريلج عمره 30 سنة في هالحالة يكون تفكيركم قريب من بعض وتكونون متفاهمين أكثر لأن عقل الحرمة في هالسن مثل عقل الريال في سن الثلاثين (وانا اتكلم عن الحرمه العاقله مب بنات هالأيام الخبايل)
لكن لو العكس انتي عمرج 30 وريلج 23 في هالحالة هو بعده في مرحلة الطيش والتهور والرعونه وانتي خلااص اتعديتي هالمرحلة من زمان وشي طبيعي بتتعبين وياه وما بتقدرون تفهمون بعض ..
وبعدين يدوتي فديتها دوم تقول الكبير يدلل والصغير يعلل
والنقطة الثانية ان الحرمة تكبر أسرع عن الرياال بسبب ضغوطات الحياة والحمل والعيال والمسؤوليات والهم والتفكير .. يعني بسرعة يظهر عليها الكبر لكن الريال تشوفينه في بداية الخمسينات وبعده شبااب وعايش حياته لأنهم بإختصار ما يعورون راسهم بالتفكير شراتنا نحن الحريم وماخذين الحياة بكل بساطة
نرجع لموضوعنا .. يعني باجر يوم تكبرين ويظهر عليج الشيب وهو بعده شباب يمكن يعايرج او يبدا يقارن بينج وبينه او حتى يلعب بذيله ولا يتزوج عليج ولا تقولون لي مب كل الرياييل جيه ! لا والله كلهم ما يملي عينهم غير التراب .. الحين اللي عندهم حريم صغار وحلوات بعد يطالعون برع ويلعبون الله يهديهم
في النهاية كل قاعده لها شواذ وانا ما أعمم على الكل بكلامي لكن هذا الواقع من تجارب وايد ناس ..
بس مب معناته كل تجربة زواج من هالنوع تكون فاشله ! .. بالعكس وايد رياييل متزوجين حريم أكبر عنهم وعايشين بسعادة ومرتاحين ^_^
تبقى وجهة نظر شخصية وكل وحده أدرى بعمرها وتفكيرها ونظرتها للحياة
ممممم لا ما اتوقع اقدر اوافق ع حد اصغر عني .. و الفرق وااايد كبير ..
بس اذا انتي راعية السالفه شاوري ثم استخيري .. و توكلي على الله ..
بصراحهـ .. صعب …):
صعب اعيش ويا واحد يصغرني ..
بس سبحان اللهـ … يمكن يوم استخير ارتاح ..
و يكون لي السعد ..^؛^
استخيري حبيبتي .. و ربي يجدم لج الخير ..
||