لزاااااانيا باللحمة المفرومه أسهل طريقه من مطبخ ميره

عاد أنا الله يسلمكن ما صدقت خبر ركضه على المطبخ وأسلق اللزانيا في الماي المغلي مع الملح وزيت الزيتون بس حاسبوا هني لا تحطون كميه كبيره من شرايح المعكرونه عسب ما تتلصق في بعضها وانا استهلكت ثمان شرايح بس… وهني بعد ما استوت

أكون في هذي الفتره حطيت اللحمه في المكينه مثل ما تشوفون

وهني بعد ما انفرمت عدل ..مادري ليش ظهرت الصوره مجلوبه.. يلااا معليش

هني عاد شوحت بصلتين مفرومات مع اللحم وهني انتي وشطارتج تحطين اللي تبينه من البهارات وأنا حطيت زعتر مطحون+فلفل اسود+مكعب ماجي+صلصه الصويا من كنور تعطي طعم لذيذ للمرق + فطر مقطع شرايح وصلصه الطماط

وخلال ما يستوي اللحم أجهز صلصه البشاميل طبعاً أنا أسوي الجاهزه اللي تنباع في الجمعيات واكيد الكل يعرفها وطريقة عملها وايد سهله بمجرد ما تضيفيها على الحليب وتخلطينهم على النار تكون الصلصه جاهزه

أجهز صينيه مستطيله أو مربعة وأحط فيها شريحتين من اللزانيا وعليها جبن موزاريلا مبشور

وعلى الجبنه نحط اللحمه المفرومه

ونرجع نعيد الحركه يعني لزانيا وعقب جبن وعقب لحم وجي وآخر شي نصب صلصه البشاميل بس مش تكثرون أنا مسويه نصف كمية البشاميل عشان الكميه كانت صغيره لشخصين مادري عاد انتو تتحكمون بالكميه المناسبه وعلى الويه تكثرون من الجبن المبشور وهذا الشكل قبل ما تدخل الفرن

وهني بعد ما ظهرتها من الفرن

وهي القطعه حق أول وحده ترد على موضوعي
هاااااا شو الراي طريقه سهله والطعم رووووووعه

أشكر كل من دخل على الموضوع وان شاء الله تستفيدون …
اختكم
::: مياااااري:::

تسليييمن يا ميياااري عالوصفه الحلوه وان شاءالله بطبقها

يزاج الله خير،،،