السلام عليكم بنات
مابا اطول عليكم بس ابا نصائح منكم عشان اضمن الحمل
يعني ريلي يباني احمل والشهر اللي طاف حللت دم وكان متأمل اني حامل بس للاسف ماصار حمل (الحمدلله)
من امس بديت اخذ حبوب الفولك اسيد وبديت اكل اكلات تنشط المبايض وكذا
ابا احمل وافرح ريلي ف ابا نصايحكم يا بنات
انا كنت أبا احمل بسرعة عقب الزواج
ومرت ثلاث شهور ما حملت
لازمت الدعاء في السجود ربي لاتذرني فردا وانت خير الوارثين و ربي ارزقني ذرية معافاة طيبة تقر بها عيني وعين زوجي وارزقنا برها ومن هالأدعية .. والحمدلله حملت في الشهر الرابع من زواجي ربنا لك الحمد
خلي اكلج صحي منوع بروتين وكالسيوم وخضرة
حليب وتمر وسلطة
ابتعدي عن المخللات قللي الموالح
وأهم شي النفسية تكون مرتاحة واقري كتاب الله بذكره تطمئن القلوب
وبشرينا بحملج بإذن الله الغالية
من رايي ادعي رب العالمين انه يرزقج بالحمل السليم وشلي الموضوع من بالج لا تفكرين.
انا كنت نفس حالتج بالضبط من تزوجت وانا كل شهر احلل وما خليت اعشاب وعسل وبالذات ان عندي تكيس بعد وكل شهر تنزل الدورة واكتئب لين توكلت على الله وشليت الموضوع من بالي ما قمت افكر وسبحان الله حملت الحمدلله
الضامن الله
واذا استعنت فاستعن بالله
ادعيه هو وحده الله اللي يرزق
الضمان هو رب العالمين والدعاء وعند السجود قولي اللهم لا تذرني فردا وانت خير الوارثين اربعين مره وعندج التين المجفف اكليه ينشط المبايض وثانيااا لا تفكري بالحمل وااايد لان ياثر سلبيا عليج انسي الحمل فتره صدقيني بالشهر اللي وراه بتكوني حامل وربي يفرحج بحمل قريب تفرحين انتي وريلج بالذريه صالحه
طالما سرتي للطبيبه و تحاليلج انتي و ريلج اوكي
التوتر مو زين يسوي انقباض في عضلات الرحم
شلي الموضوع من تفكيرج لا تشيلين هم و خليها على رب العالمين
الله يرزقج بالذريه الصالحه ان شاء الله
الله يرزقج الحمل السليم الثابت عاجلا غير اجل عزيزتي