اشحالكم بنات….أنا ربيت من شهر تقريبا والحمد لله
أول بيبي حقي…يبت بنوته..
.gif "44 (27)")
…وسميتها دانة "دندوش"بغيت أعرف هل في شي أسويه أو اشربه عشان يخلص دم النفاس على الاربعين
لأن أختي خلصت الاربعين …بس ما خلص النفاس عنها…تم مده ينزل عليها نفس الوسخ
أنا ما أريد يستوي معاي نفس الشي…في خاطري أنظف على الاربعين؟؟!!
ترى أبو دانة يتريا ويعد الايام…
.gif "12 (74)")
فكرت يمكن في شي مفيد ينظف الرحم ويخلي كل الوسخ اللي فيه يطلع
يا ريت تفيدوني
هلا الغاليه كثري من شرب القهوة الحلوة .. ( بن + عسل + زنجبيل + قرفه + سمسم + رشاد + حبة سودا)
وكلي وايد شمام ..
انا يوم سقطت كنت اشرب القهوه وايد واكل شمام ماشاء الله وايد ينزل
واليوم الي ماشرب القهوه ولا اكل شمام ينزل شوي ..
.
.
كلي وايد تمر عسب تعوضين الدم .. والافضل تاكلين التمر ويا الرشاد .. بينظف لج رحمج 
ملاحظة :
الرشاد هو : الحبه الحمرا
ومعروفه الحريروه عند اهل الامارات وهي عباره عن مشروب الحبه الحمرا
يشربونه النفاس والي تسقط عشان تنظف الرحمـ ..
مشكورة الغالية …
ممكن تخبريني طريقة تحضير القهوة
البن نفس القهوة العربية ولا التركية؟؟….وما اتضر البيبي؟؟
والله ماعرف في هالسوالف
ان شاء الله يفيدونج
الملحه زينه يمدحونها
المشاركة الأصلية كتبت بواسطة شيطونة 
وبعدين ممكن تخبريني طريقة تحضير القهوة
البن نفس القهوة العربية ولا التركية؟؟….وما اتضر البيبي؟؟
الرشاد فديتج هو الحبه الحمرا ..
والقهوه شرات ماتسوين القهوه العاديه ..
يعني تخلطين المكونات وتغلينهم .. يوم يخلص ضيفي العسل ..
والقهوه فديتج مستحيل تضر ..
احيد من ايام يداتنا يشربونها .. وماصار فينا شي ..
تحاميل الملح تنظف وتطهر
اذا عندكم حرمة عيوز سأليها
لأن الطب الصحيح عندهم