السلام عليكم ورحمة الله وبركاته
خواتي العزيزات …
أنا بسافر ماليزيا نص سبعه وكنت وايد متعايزه أروح معاهم لأني كنت أبا أسافر بلجيكا وأسبانيا وسويسرا للأسف تكنس كل شي عشان ماليزيا ….
حابه أسأل عن الأسواق إلي تكون الكواليتي مالتها زينه مب يعني ريخصه وما تنفع بليز إلي تعرف تساعدني … وما أقصد أسماء المجمعات التجاريه أقصد محلات داخل المجمعات التجاريه تكون صناعتهم يعني مب ماركات مقلده بليز حد يساعدني
ان شاء الله الخوات مابيقصرن
إن شاء الله يارب … يعني أي حد كد رايح ماليزيا ويقولي يسوي خير صراحه
ما عندي فكرة والله ، أول مرة بروحها أنا بعد 
موفقة . .
الغاليييه مادري ليش من كلامج حسيت انج ماخذه فكره ان ماليزيا كلها تقليد .. لا بالعكس معظم المولالالات فيها محلات راقيه وماركااات وللعلم في بعض الموديلات والعطووور اتكون مسوينها حصريا حق دول شرق اسيا يعني لو تروحين اروبا ماتلقين ها الموديلات … اللي تكوون حصريه …
وممكن تدخلين على موضوووعي بتلاقين في ملف فايل فيه كل اسامي المولات اللي في كوالالمبور وانا انصحج في سوريا مال الابراج والبافليوون هذا يديد والستار هيلز
http://www.uaewomen.net/showthread.php?t=267739
واي سوال انا حاضره …
هلا حبوبه..
أوااافق الأخت ((كيوت مي)) ومن غير شااارع العرب.. (( بوكيت بينتانغ)) كله مرااكز تجاااريه حذاال بعض وعندهم بضاااائع بجوده… والبعض عنده (( ليميتد أديشن… ))
بتسيرين وبتستانسين في السيره بأذن الله
مرحبا أختي….عندج استان وباركسون جراند موجودين في التوين تاورز…وهالمحلات وايد راقيه..
عندج ميتروجايه في بيبي بلازا…
وإذا أنت من هواة الفوط والكفرات عندج اسينو (محل وااااااااااااااااااايد أحبه) موجود في مركز لوتن في شارع العرب (بوكيت بانتج) بتلقين المحل في الطابق الأخير…وله فروع ثانيه في كوالالمبور بس ما أظني بتدلينها (وبما إني عايشه هناك لفيت ماليزيا من أولها لين آخرها…وهذي قصة حياتي من ست سنوات)..
وإذا تحبين الريف الإنجليزي والدانتيلات أدخلي محل Lovely Lace في التوين تاورز..في الطابق 2 (طابق المطاعم) في نفس الطابق في وايد محلات ثياب للأطفال تجنن روعة روعة روعة منهم محل بوني وجس للأطفال وستروبري..
وفي مركز اسمه سوجو عباره عن طوابق وكل طابق يجمع شي مثلا ثياب الحريم وثياب الرياييل..طابق تجهيزات البيت طابق النعول والشنط..والطابق الأخير ثياب اليهال وهالطابق ما بتطلعين منه الأ وأنتي معلنه افلاسج…
وصح في مول اسم بافليون يديد في شارع العرب مجابل فندق الماريوت وكله ماركات…