السلام عليكم ورحمة الله وبركاته
قال صلى الله عليه وسلم::
(( أنا وكافل اليتيم كهاتين في الجنة , وأشار بالوسطى والسبابة ))
حطيت هالموضوع في قسم التنمية البشرية وتطوير الذات
لان فعلاً اذا الانسان يبا ينمي نفسه ويحقق جهاد التنمية ويطور ذاته بأختصار( يكفل يتيم) …,
سؤال،
منو منكم كافل يتيم ؟؟
وين مكان الايتام في دبي للي يبا يزورهم؟
وهل كفالة اليتيم بس الدعم المادي ؟؟
اللي اعرفه ان الجمعيات الخيرية تكون وسيط توصل المبلغ لليتيم من حساب الكافل و الأثنين ما يشوفون بعض ولا يعرفون بعض وما يكون اي نوع من التواصل بينهم…
وهني هل ينطبق على اللي يتكفل بالجانب المادي حديث الرسول صلى الله عليه وسلم اللي فوق ولالا؟
لأن اليتيم محتاج دعم معنوي
و كافل عن كافل يفرق ، فأي نوع منهم يقصد به الحديث ؟!!
السلام عليكم ورحمة الله وبركاته..
الغاليه ان اخترتي الشي المعنوي بالعكس شي جميل جدا بس ماعرف القصد بالضبط هل انتي تقصدين التبني؟؟ بس ماعرف الاماكن فدبي..
اما اذا اخترتي الجانب المادي فأنا من رأيي الافضل المادي ويتضمن الحديث الاثنان المادي والمعنوي بس اذا بس بغيتي الجانب المادي فقط فهذا بعد لج الاجر فيه بإذن الله تعالى وبتكونين مع الرسول بإذنه تعالى..
واذا بغيتي الكفاله الماديه سيري جمعيات الخير مثل جمعية الرحمه..وتكون الكفاله 150 كل شهر..
وهذا عمل رااااااااائع..والله يبارك لج فرزقج..واذا احتجتي اي شي احنا حاضرين..
حلوه والله واحد يعرف وين مركز الايتاام لان صج ساعات تحسين الفلوس مب كل شي بس يمكن مراعه لمشاعرهم
ومشاعر امهاتهم خصوصا للي فقدو الاب بس ويكونون متعفيفين مايبوون حد يدري عنهم شي
عموما اللي تقدرين عليه سووي حتى لو فلوس بس تنفعهم وتحميهم وتستر عليهم واكيد هي كبيره عند رب العالمين
شي طيب الصراحة يزاج الله خير
يزاج الله خير
http://www.islamonline.net/servlet/S…=1122528620660
الشكر للعضوة خفقة قلب
واللي ادور الجواب مثلي بتحصله فالرابط
بس بعدني في اسأله ما حصلت لها جواب
ابا اعرف وين مكان الايتام للي يبا يزورهم في امارة دبي؟
اختي في الله حياج الله وجزاج الله كل خير ع نيتج الطيبه بالنسبه لكفالة اليتيم انا عندي طفل يتيم واربيه والحمدالله والله وتالله وباالله مارأيت السعاده لا عند دخوله بيتي اللهم للك الحمد وارضعوه خواتي ولله الحمد