شحالكن الغاليات ..
حبيباتي الطباخات .. صاحبات الخبره في المشاوي و الكباب 
الله يسلمكن انا اليوم عازمه هلي عالعشششششششششا
و طبببببعاااااااااا .. انا اللي بسوي تتبلية الكباب
و فكرت اسويها بالروب .. امممم لآني احس الروب يخلي اللحم طري
الحين .. سؤؤؤؤؤؤؤؤؤالي لكم
انا حطيت3 روب + بهارات + ثوم
و تقريبا اهو 8 كيلو لحم
قرأأأت فالمنتديات البنات يقولون الكيوي بعد ينفع عشان يخلي اللحم طري
انتو شوووو رايكن !!!!!
ما عليكن أمر ما عليكن أمر
كل وحده تعطيني تتبيلتها الخااااااااااصة في الكباب ^_^
اكون ششششششششششششكره لكن
فـ انتظاركن ..
اللحم والدجاج
اختي انا احط الروب . فلفل اسود. عصير ليمون . بصل مبشور . فلفل احمر بودرة . خل . اذا تحبين ثوم مبشور . لبنة انا استعمل لبنة الصفا لانها فيها حموضة فتعطي طعم حلو . ملح . بس اخلية يوم كامل في الخلطة .
الريش :
احط الفلفل الاسود . بصل مبشور . فلفل احمر .عصير ليمون . خل .ملح . وشوية جرفة
الإخت هدن ما قصرت بس أنا أضيف بقدونس وما احط لبنه .. بجرب المره اليايه اللبنه ليش لا
للرفع
جزاكم آلله الف خير يالغاليات
للعلم .. الروب اللي حطيته هب الصغار بو 175 مل
لا العود القوطي الكبير
بأأأنتظار المزيد من الوصفات ..
ترآآآ باقي على العشششششششا 8 ساعات 
آفيدوني
المشاركة الأصلية كتبت بواسطة غاليه الحمادي 
شحالكن الغاليات ..
حبيباتي الطباخات .. صاحبات الخبره في المشاوي و الكباب
الله يسلمكن انا اليوم عازمه هلي عالعشششششششششا
و طبببببعاااااااااا .. انا اللي بسوي تتبلية الكباب
و فكرت اسويها بالروب .. امممم لآني احس الروب يخلي اللحم طري
الحين .. سؤؤؤؤؤؤؤؤؤالي لكم
انا حطيت3 روب + بهارات + ثوم
و تقريبا اهو 8 كيلو لحم
قرأأأت فالمنتديات البنات يقولون الكيوي بعد ينفع عشان يخلي اللحم طري
انتو شوووو رايكن !!!!!
ما عليكن أمر ما عليكن أمر
كل وحده تعطيني تتبيلتها الخااااااااااصة في الكباب ^_^
اكون ششششششششششششكره لكن
فـ انتظاركن ..
السلام عليكم اختي غالية جمكتكم مباركة .
انصحج تستخدمين الروب لتتبيلة الدجاج لكن مش مع اللحم . بعطيج تتبيلتي الخاصة والمميزة لكل من اللحم والدجاج.
تتبيلة اللحم: الكميات حسب اللحم الي عندج : حطي في الخلاط او الفورد بروسسير عدد 2 طماطم مقطعة و2 بصل مقطعة وفنجان زيت نباتي واخلطيهم زين مازين لحد ما يصير سائل غليط . صفيه وحطيه في ملة وضيفي عليه التالي :
فنجان من الخل الأبيض (هذا الي يخلي اللحم طري جداً)
فلفل أسود مطحون
رشة من المسمار المطحون
ملح حسب الرغبة ويفضل يكون واضح يعني حطي رشة جريئة ^_^
سنوت ناعم
رشة من الهيل الناعم .
هذي التتبيلة الخاصة باللحم وطعمها ونكهتها ولا أروع وتعتبر المعتمدة عندي بالذات ويا الاستيك المشوي على الفحم أو الريش. ويفضل تنقيع اللحم فيها على الأقل 6 ساعات أو قبلة بليلة أو ليلتين أنا جي أسوي.
وصلنا لتتبيلة الدجاج
ومثل ما تعرفين الكمية حسب كمية الدجاج الي عندج في الخلاط أو الفود بروسسير حطي عدد 2 حبة طماطم مقطع و2بصل مقطع و5 فصوص ثوم صحيح و 1 قوطي روب المراعي و1/2 كوب زيت نباتي وقطعة صغيرة من الزنجبيل الطازج والمقشر . واخلطيهم لحد ما يصير عندج سائل كثيف . صفيه المشغلة عسب تتخلصين من قشور الطماط ويصير عندج صوص خالص . وبعدين ضيفي عليهم التالي:
2 ملعقة طعام لبنة
1 كوب عصير ليمون طازج (وهذا السر الي يخلي لحم الدجاج طري)
البهارات هي (فلفل أسود – سنوت ناعم – رشة هيل – رشة من الجرفة المطحونة)
للون ممكن تضيفين للتتبيلة رشة من الكركم وبيعطيج لون رائع بعد الشوي أو ممكن تضيفين اللون الأحمر الغذائي الي نستخدمة للبرياني .
ولا تنسين كمية الملح الكافية .
ونفس الشي يفضل انج تنقعينة أقل شي 6 ساعات أو ليلية . لكن بما انج مستعجلة ترى تتبيلاتي الي قلت لج عنهم يعطونج النكهة اللذيذة للمشاوي حتى لو نقعتيهم لفترة بسيطة ^_^
بالعافية على قلوبكم ولا تنسين من خالص دعواتج الطيبة
اختج شوكلاتة