السلام عليكم ورحمة الله وبركاته ^^
شخباركم بنيات وحريمات خخ عساكم بخير وسهالة
بنات اليوم بنفتح موضوع يكون مرجع لنا عشان نعرف كل وحدة فينا شو تشتري من العطار يعني تشتري اشياء ماتستغنى عنها وتقولنا كيف نفعتها الخلطة 
وان شاء الله يكون فيه تفاعل حلوووو مع الموضوع ^_^
وانا راح ابدا واذكر تجربتي
الاشياء الي ماستغني عنها ……..~
سدر مطحون… (يصفي الجسم ويشل الحبوب ويبيض)
كركم الجسم…( يصفي الجسم ويشل الحبوب ويبيض)
واليوم اشتريت زيت النمل (البنات يقولون ان يخفف من نمو الشعر لييين يختفي ^^) وان شاء الله بذكر تجربتي بعد مدة من الاستخدام *_*
للرفع
يسلمووو فديتج ^^
مي توووووووو هالخلطه ابدا ما استغني عنها موووووووووووليه ( سدر + كركم + حليب بودر + ليمون + زيت زيتون + ارز مطحون + حمص مطحون)
نتريا باقي البنات كل وحده تقول سر بياضها …
سؤال لبنات بوظبي ( وين بحصل العطارين هني ؟؟؟) أنا اضطر اني اتريا لين ما اروح الشارجه عشان اشتري اللي اباه هني ما اندل مكانهم ؟؟ يا ريت وحده ادليني ؟؟وبكووووووون شاكره لكم
حبيبتى وين بضبط فى ابوظبى لانه فى الشهامه محلات للعطارين جريب سوق الاخضر مقابله محل ابو سليمان وبجانبه محل جديد واسعارهم حلوه
انا اشتري سدر وياس اخلطهم مع الحنة
واشتري زيت خروع وزيت اللوز وزيت حبه السودة واشتري صابونة الكركم واشياء وايدة لكن نسيتها
انا مااشتري غير الحبة الحمرا والحلبة اممممممممممممممممممممممممممممممممممممممممممممم لذيذ