عن الزهبة للغربة و حمام المغربي

شحالكم بنات وحريم

عساكم بخير

هالسالفة سالفة ربيعتي ماتخصني

كانت تسالني عن الزهبة

هي مخطوبة، خاطبنها واحد خليجي يقربلهم من بعيد بس بعدهم ماملجوا جريب انشالله

تقول ماتعرف كيف تزهب يعني تزهب من اهني ولا البلاد اللي بتعيش فيها

بشو تنصحونها؟

وتقول قايليلها عقب مايردون بشهر العسل انشالله على طول بيسوون حفلة وبيعزمون المعارف والاصدقاء اللي ماقدروا يحضرون العرس عشان يتعرفون عليها ويشوفونها

اتقول لو بيسوولها تبا هي تتجهز له واتسويه على ذوقها وماتحب حد ايسوي اشياءها .. اتقول كيف اتقولهم هالشي وشو تلبس في هالمناسبة

وتقول الولد عنده بيت بروحه وقريب من بيت اهله وبيسكنون بروحهم من اولها وهي مش عايبنها الموضوع الان هي ماتعرف هناك حد وهي من النوع اللي تتملل بسرعة من يلسة بروحها وتبا تيلس عند اهله لين ماتتعود .. شو تقولهم وكيف تقنعهم

وتسال الحمام المغربي كم مرة ايسوون في الاسبوع واشكثر يباله …..

وبث وانا قلتلها بسالج المنتدى وانشالله يفيدونج وانا بعطيلها الينك وهي بتشوف ردودكم

والسموحة منكم طولت عليكم

واذا عرسها بعيد خلها اتسوي مره كل اسبوعين ..

وعن الزهاب خلها تتزهب من هنييييه بس مب وايد ويوووم بتسير هناك خلها بعد تطلع اتسوي شوبنق هناك وتتشرى ..

وعن يوم العزيمة خلها اتفصلها فستااان فخم فيه سوارفسكي او مغربية فخمه ..

و عن الزهاب يعتمد هي اي دولة بتسير تعيش فيها لانه في دول خليجيه ما انصحج تشترين من عندهم شي لو كانت اسواقهم ارخص عنا الا انه ما شي كوالتي للشغل عشان جيه الزهاب يعتمد على الدولة و انا اشوف انه العالم ايي من كل الدول عشان يتشرون من دبي فاذا حابه تتشرى انصحها بدبي

و الحمام المغربي تسويه مره كل اسبوع او عشرة ايام بالكثير و خلها تشتري سكراب و ادوات تسويها روحها في البيت كل سومين او ثلاثه انا من يوم يومي و انا احب اسوي سكراب و لو كنت ملانه ادخل الحمام ايلس بالساعات بس سكراب و ماسكات للشعر و الجسم و هالاشياء و احسها تسليه و نظافه و اهتمام

المشاركة الأصلية كتبت بواسطة الشوق1

بالعكس خلها تسكن بروحها احسن لها

و عن باجي الاشياء ان شاء الله البنات يفيدوونج

هي من النوع تحب حد ايلس وياها وتحب اليمعات وماشالله بيت اهل ريلها دوم حد ايي وهي من النوع شوي خجول يعني مابتقول حق ريلها ودني كل يوم والثاني

المشاركة الأصلية كتبت بواسطة ام صخير

فديتج عن الحمام المغربي اتسويه مره كل اسبوع جريب عرسها

واذا عرسها بعيد خلها اتسوي مره كل اسبوعين ..

وعن الزهاب خلها تتزهب من هنييييه بس مب وايد ويوووم بتسير هناك خلها بعد تطلع اتسوي شوبنق هناك وتتشرى ..

وعن يوم العزيمة خلها اتفصلها فستااان فخم فيه سوارفسكي او مغربية فخمه ..

والسموحه ..

مشكورة على مرورج الطيب وبقولها اليوم ادش وتقرى الردود وتستفيد

المشاركة الأصلية كتبت بواسطة dalo3aa

تسكن ببيت لوحدها اكيد افضل بالف مره

بالتوفيق

هي من النوع تحب تيلس ويا حد عالضحى وهي من النوع اللي تستحي تطلب من حد

المشاركة الأصلية كتبت بواسطة خاشوقة عسل

عزيزتي تبين من وجهة نظري السكن بروحها يمكن يكون اريح من ناحية بس لا تنسين انه من ناحية ثانيه بتكون المسؤولية اكبر و اكثر فانا اشوف الوحده تسكن مع اهل ريلها عشان تتاقلم على مسؤولية ريل و عقب تشوف امكانياتها اذا تقدر تتحمل مسؤولية بيت و الا لاء !!!

و عن الزهاب يعتمد هي اي دولة بتسير تعيش فيها لانه في دول خليجيه ما انصحج تشترين من عندهم شي لو كانت اسواقهم ارخص عنا الا انه ما شي كوالتي للشغل عشان جيه الزهاب يعتمد على الدولة و انا اشوف انه العالم ايي من كل الدول عشان يتشرون من دبي فاذا حابه تتشرى انصحها بدبي

و الحمام المغربي تسويه مره كل اسبوع او عشرة ايام بالكثير و خلها تشتري سكراب و ادوات تسويها روحها في البيت كل سومين او ثلاثه انا من يوم يومي و انا احب اسوي سكراب و لو كنت ملانه ادخل الحمام ايلس بالساعات بس سكراب و ماسكات للشعر و الجسم و هالاشياء و احسها تسليه و نظافه و اهتمام

تقبلو مروري

بخبرها انشالله مشكورة على مرورج

المشاركة الأصلية كتبت بواسطة Hno0odah

خلها اتجهز عمرها من اهني بس لا اتكثر
وعن الحفله الي هم بيسولها اياه بصراحه انا من رايي هب ما تدخل غير ادورلها على فستان راقي وبس

وموضوع السكن انا من رايي يفضل انها تسكن بروحها وااايد احسن
كل ماكانت ابعد عنهم كل ما هي بترتاح وهم بيرتاحون من المشاكل يعني روح بعيد وتعال سالم