السلام عليكم ورحمة الله وبركاته
شحالكم خواتي ..؟
حبوباتي انا من 3 ايام من آكل شي احس بدوخه وع طول اسهال
يتم بطني يتحيس عقب يعورني وفجاه ارجع ( ازوع) مرتين باليوم تقريبا او مره
انا مستغربه من الاسهال قعدت اقول يمكن الاحظ بهارات عموتي متغيره من فتره
احس بطعمة ثوم فيها او من الفلفل ريلي يحب الحار بس متعوده اكل فلفل
خفيف وماتصير لي هالاعراض وطول الليل مارقدت من الوسواس هل من البهارات او
خايفه يكون فيه شي انا عندي نظام علاج الصبح كالسيوم الظهر حديد وبالليل فيتامين عسب فقر الدم
وقفت ادويه قلت يمكن تصير لخبطه بس للحين اسهال ؟
اللي ابى اطمن منه عادي بشهري ال5 هالشي ولا لا تبخلون علي قوليلي عشان اخذ احتياطاتي ؟
لو سرت عند كتوره مابي اتهول علي الموضوع قلت اشوف خبراتكم قبل اي خطوه …
لاحول ولا قوة الا بالله
الله يعينج حبيبتي
لازم تراجعين الدكتوره فديتج الاسهال هب زين للحامل بأي شهر كانت
ربي يسهل عليج
حبيبتي الاسهال مب زين للحامل يمكن يسبب جفاف للجنين لازم تسيرين المستشفى ولا الطواري لا اتمين جيه
في حملي الأول ياني اسهال في السابع وطنشت اسبوع كامل لين ماتعبت ع الآخر وآخر شي طلع فيني طلق بسبة الاسهال وآخر شي عرفت إن الاسهال ساعات يكون من علامات الولاده
في حملي الحين ياني اسهال في الثالث وتلاحقت على عمري وعطوني مغذي وقالولي لازم انتبه لأكلي عسب الجنين مايتضرر… وبإذن الله ماعليج شر بس الأفضل تسيرين المستشفى
لازم تراجعين الدكتوره
مالج غير دكتورتج
انا من شهر يتني حمى تمت فيني 4 أيام 
وإسهال وتعبت واييييييد
ماوقفت فيتاميناتي … بس عطوني بندووول الأزرق عشان ينزل الحمى .. والإسهال روحه خاز عني .. شكلي كنت متسممه